影片
更多
2017-03-08
92 瀏覽
作為大角咀既街坊，經過呢條街既次數真係冇一百次都有五十次，但唔知點解總係撞唔啱冇機會入去幫襯！今日見個 lunch食唔飽，又撞正「Monday Blues」所以決定入去試下！餐廳位於大角咀，由奧運站行過去都只需要十分鐘左右，非常方便。收費方面亦都非常大眾化，$159任飲任食兩小時，真係平到好似時光倒流咁！一坐低之後，侍應首先放左一張圓形既吸油紙喺個爐上面。唔好睇少呢張紙，呢個簡單既idea非常之好，令到之後燒野食既時候冇咁大煙，爐面既鐵板亦都冇咁易燶。另外，店員更加唔駛成日換鐵板，全晚都只係換左一次吸油紙咁大把，非常環保！因為加左吸油紙既關係，食物相對無咁熱氣。但「針無兩頭利」，鑊氣亦都因為咁而相對唔多夠，不過整體感覺卻較為健康！飲品選擇非常多，除左常見既百事、七喜可樂之外，更加有道地綠茶、烏龍茶、巨峰提子汁、柑桔檸檬等等！熟食方面，韓式餐廳常見既前菜好似泡菜、芽菜、酸蘿白等等通通有齊，亦都有粟米、燒三文魚、薯角等等平時較少見到既食物。肉類同海鮮方面既選擇非常多，豬、牛、雞等等常見既食物非常齊全，重有「鹽燒」、「汁燒」同埋「蜜汁」三種唔同既味道添！誠意推介既有燒起之後完全唔會「柴皮」既
餐廳位於大角咀，由奧運站行過去都只需要十分鐘左右，非常方便。收費方面亦都非常大眾化，$159任飲任食兩小時，真係平到好似時光倒流咁！
一坐低之後，侍應首先放左一張圓形既吸油紙喺個爐上面。唔好睇少呢張紙，呢個簡單既idea非常之好，令到之後燒野食既時候冇咁大煙，爐面既鐵板亦都冇咁易燶。另外，店員更加唔駛成日換鐵板，全晚都只係換左一次吸油紙咁大把，非常環保！
因為加左吸油紙既關係，食物相對無咁熱氣。但「針無兩頭利」，鑊氣亦都因為咁而相對唔多夠，不過整體感覺卻較為健康！
飲品選擇非常多，除左常見既百事、七喜可樂之外，更加有道地綠茶、烏龍茶、巨峰提子汁、柑桔檸檬等等！
熟食方面，韓式餐廳常見既前菜好似泡菜、芽菜、酸蘿白等等通通有齊，亦都有粟米、燒三文魚、薯角等等平時較少見到既食物。
肉類同海鮮方面既選擇非常多，豬、牛、雞等等常見既食物非常齊全，重有「鹽燒」、「汁燒」同埋「蜜汁」三種唔同既味道添！誠意推介既有燒起之後完全唔會「柴皮」既豬扒同埋惹味開胃既雞翼！
特別值得一提既係有「原隻小扇貝」同埋「汁燒墨魚仔」平時好少見到既食物，三十多款唔同口味既食物任君選擇完全unexpected！
雀巢雪糕方面選擇非常多，有「紅豆」、「芒果」、「芝麻」同埋「雲呢拿」四種不同口味，有選擇困難症既朋友今次有難喇！甜品方面，「南瓜西米露」唔會過甜得黎又有少少南瓜新鮮既味道，非常有特式，絕對係必試之選！
食到最尾更加可以掃埋西瓜同埋菠蘿，食到飽飽先返屋企！
總括黎講，$200蚊都唔駛呢個價錢有咁多款食物同飲品選擇，俾你任飲任食兩個鐘真係非常超值，「性價比」一流！
張貼
