犀牛犀牛 (京瑞廣場1期) (已結業)

我今日又嚟到石門呢兩個商場搵嘢食，呢度實在太多選擇啦，喺食晚飯之前想食少少小食，所以就決定試下呢間小小嘅犀牛吐司店🤤首先係畀佢嘅精美外觀吸引咗，整體感覺好台式嘅美感，就連個包裝都係貫徹始終咁精緻💜今次我哋揀咗試嘅嘢係台式吐司最常見嘅芋泥肉鬆蛋吐司，預先切開兩份適合情侶或者朋友一人一半❤️ 開頭以為會係香脆嘅麵包，點知原來佢係行軟熟路線，同芋泥好合拍，但係再加上香口嘅豬肉鬆，就令成個吐司無論味道同口感方面都好有層次感，幾樣簡單嘅嘢加埋，竟然變成食完好有滿足感嘅吐司😁 而且即使係吐司佢都仲有好多款揀，下次我一定會試下其他👍