影片
更多
2020-05-16
251 瀏覽
係香港做野壓力咁大，有時放假想出去散下心，周街人多車多，空氣又焗促。就算係鐵人都好，身上有幾多負擔都需要一個屬於自己既空間，一刻寧靜、一杯茶、一份窩心。而近年愈黎愈多香港人講求養生之道，而茶藝正正就係息息相關，所以茶舍亦成行成市，今次慕名而黎呢間人氣茶室「Yú · teahouse - 瑜茶舍」，前年就進駐左係尖沙咀誠品，將茶道精神廣泛流傳開去，除左有一系列中國茶葉比你慢慢品嘗之外，呢到間中仲會搞辦茶藝課程，有個親自學泡茶既機會，比你體會一下茶是故鄉濃既滋味，對住個海景Chill返日，係幾寫意既！👇📌C O L D · B R E W - ▪ White Peony - $58▫ 年輕人始終唔係太鍾情中式茶樓，所以冷泡茶既出現造就左整個市埸需要，而白茶本身發酵度比較低，最適合用黎冷泡處理。今次揀左呢款「白牡丹茶冷泡茶」，茶舍用上牡丹花花瓣配上白茶，飲落清淡而有淡淡回甘既香味，相對比較易入口，比較適合唔鍾意太甜既朋友。冷泡茶另一好處可以減少茶裡面既咖啡因，同時每款茶Set都會附送一兩份「紅茶曲奇」，由餐廳手工製成，食落清香脫俗，而且面頭仲有茶葉碎，口感豐富！📌H O T · B R E
就算係鐵人都好，身上有幾多負擔都需要一個屬於自己既空間，
一刻寧靜、一杯茶、一份窩心。而近年愈黎愈多香港人講求養生之道，
而茶藝正正就係息息相關，所以茶舍亦成行成市，今次慕名而黎呢間人氣茶室
「Yú · teahouse - 瑜茶舍」，前年就進駐左係尖沙咀誠品，將茶道精神廣泛流傳開去，
除左有一系列中國茶葉比你慢慢品嘗之外，呢到間中仲會搞辦茶藝課程，有個親自學
泡茶既機會，比你體會一下茶是故鄉濃既滋味，對住個海景Chill返日，係幾寫意既！👇
📌C O L D · B R E W -
▪ White Peony - $58
▫ 年輕人始終唔係太鍾情中式茶樓，所以冷泡茶既出現造就左整個市埸需要，
而白茶本身發酵度比較低，最適合用黎冷泡處理。今次揀左呢款「白牡丹茶冷泡茶」，
茶舍用上牡丹花花瓣配上白茶，飲落清淡而有淡淡回甘既香味，相對比較易入口，
比較適合唔鍾意太甜既朋友。冷泡茶另一好處可以減少茶裡面既咖啡因，同時每款茶Set
都會附送一兩份「紅茶曲奇」，由餐廳手工製成，食落清香脫俗，而且面頭仲有茶葉碎，口感豐富！
📌H O T · B R E W -
▪ Aged Mandarin Pu’erh - $88
▫ 而紅茶普通都係經過發酵較重既茶葉，如果用黎冷泡會變得苦澀，無哂香味。
反而用滾水沖出黎既茶味更加甘味。今次試左茶舍人氣大熱既「陳皮普洱熱泡茶」，
分別用上2013年新會成熟陳皮同埋2009年宮廷熟普洱泡成，茶湯顏色紅潤光澤，
飲落普洱既甘香相當出眾，過程中散發陳陣陳皮既清香。而且普洱有健脾胃功效，
特別適合經常食油膩既我，能夠係呢到品嘗到咁高質既茶湯，絕對係賞心悅目既事！
張貼
