家家食小廚王 (已結業)

呢間野應該開左唔夠幾個月，我諗成個灣仔區佢真係算大件夾抵食，午餐兩送就35元，下午茶(2:30後) 就30元，已經包埋野飲或者湯，一日有成十幾款，任君選擇。佢個模式就係　買飛——>揀送——＞食我番工就係間蚊型公司，唔會強逼我食晏時間，所以平時最起碼都兩點先食，咁等得兩點就梗係等到兩點半。兩點半個時，有Ｄ送已經沽清(鬼叫你窮呀)，但係都好多選擇。今日就食左:例湯梅菜扣肉翠肉瓜炒牛肉30蚊有飯有湯有肉有菜又可以叫多飯/少飯..真係算係咁梅菜扣肉煮得夠琳又好入味! 同埋佢個鼓油皇雞批都好味!灣仔番工既您地, 呢個價錢去邊到搵ps. 希望唔好點加價 因為真係好抵食