影片
更多
2021-10-22
3608 瀏覽
星期六，最佳嘅節目都喺行吓山，不過，由於天氣不穩，唔敢「吹雞」，呢一轉都喺臨時前一晚決定，死兩個試行啲新路線而已。由火炭駿洋村起步，兜個圈到黃竹洋，再一路爆上針山，最後經城門落番葵涌，今次都真喺行得幾甘。落到葵涌，到石籬一帶搵食，「新香」早前經過見到時已想試，但老婆嫌地方逼狹唔安心，今次兩個麻甩佬，咩都無所謂架。 依家好多新開嘅茶記都不時扮懷舊，但「新香」呢？唔使扮都好懷舊，因為，由外到內都睇到嗰份舊有嘅老冰室味道，好有本土茶記特色，唔單止地下嘅格仔地磚，睇睇水吧位，件件皆古董呀，有晒歷史嘅痕跡。食物款式就簡單啲，都喺早餐、特餐、三文治餐、下午茶餐咁啦，唔會太多花巧嘢，但價位就好相宜。 另外，門口棟咗個水牌，仲有兩款簡單飯餐，睇落就似喺全日供應，連湯包飲品，都喺$36咋！快餐店買個淨碟頭飯唔要嘢飲都未必得呀。另外，麵包喺自家製，不時出爐，晌門口就擺滿好多港式麵包、蛋糕，仲有曲奇，而啲麵包賣得好平，無餡嘅如菠蘿、豬仔都喺$3.5/個，有餡嘅如腸仔、餐蛋麵只不過$4.5/個。特餐 $36行完山，就唔太想食飯，所以，揀咗個特餐，其實都豐富，有牛油多士配餐肉火腿煎蛋、米粉或公仔麵、基本餐飲。先
依家好多新開嘅茶記都不時扮懷舊，但「新香」呢？唔使扮都好懷舊，因為，由外到內都睇到嗰份舊有嘅老冰室味道，好有本土茶記特色，唔單止地下嘅格仔地磚，睇睇水吧位，件件皆古董呀，有晒歷史嘅痕跡。
食物款式就簡單啲，都喺早餐、特餐、三文治餐、下午茶餐咁啦，唔會太多花巧嘢，但價位就好相宜。
另外，門口棟咗個水牌，仲有兩款簡單飯餐，睇落就似喺全日供應，連湯包飲品，都喺$36咋！快餐店買個淨碟頭飯唔要嘢飲都未必得呀。
另外，麵包喺自家製，不時出爐，晌門口就擺滿好多港式麵包、蛋糕，仲有曲奇，而啲麵包賣得好平，無餡嘅如菠蘿、豬仔都喺$3.5/個，有餡嘅如腸仔、餐蛋麵只不過$4.5/個。
特餐 $36行完山，就唔太想食飯，所以，揀咗個特餐，其實都豐富，有牛油多士配餐肉火腿煎蛋、米粉或公仔麵、基本餐飲。先嚟份多士，而餐肉火腿煎蛋喺俾齊3樣，唔喺3揀1或3揀2，多士烘得脆口，雖然餐肉唔喺「白豬仔」，但質素唔差，啲蛋亦好大隻，啲嘢真喺無欺場。
碟沙嗲牛肉湯麵一樣份量十足，睇見啲牛肉就知，唔喺三幾嚿，而且口感鬆化腍滑，個沙嗲亦推得好香濃惹味，公仔麵就應該喺大光麵之類，OK啦。
晌茶記飲奶茶喺最穩陣嘅選擇，加上呢度由老師傅坐鎮，喺穩膽之選。改凍奶茶都只喺加$2而已，老店寧舍有人情味，唔會吓吓賺盡。杯奶茶水準確喺高，茶底好芳香，茶奶比例啱啱好，好飲。
食客都以街坊客為主，跟店員有傾有講，雖然小店環境、人事依舊，但跟隨潮流，都可以用八達通、支付寶俾錢，方便到一眾街坊。真希望呢啲老冰室可以薪火相傳，一代接一代做落去。
張貼
