影片
更多
2019-07-19
712 瀏覽
經常係奥海城經過，都會留意到呢一間臺式飲品店，裝修以白色為主調，加上好多色彩鮮豔嘅飲品圖片確實係幾吸引人。餐單有好多選擇，今次我揀咗草莓奶蓋，中杯22蚊，由於以前試過誤會飲品成分嘅關係，今次我專登睇埋英文版，確保萬無一失：Strawberry with milk foam.我理解嘅係真係有士多啤梨嘅飲品，無論邊間x茶嘅草莓奶蓋都會有d草莓睇得下，哪怕係碎左嘅果蓉，茶底亦有係餐單上標示伯爵紅茶，上面會加上奶蓋，最美好當然係有埋士多啤梨嘅果肉啦。老實講見到實物我係有d意外，無諗過咁靚。根據我飲過香港甚至國內嘅飲品奶蓋，通常都係由芝士打泡而成，理應係淡黃色或者奶白色，今次見到嘅，卻係粉紅色我相信佢應該係將士多啤梨味道嘅嘢加咗入去奶蓋裏面，所以呢杯草莓奶蓋真係由草莓味嘅奶蓋擔任主角，我第一次見，一試竟然唔係芝士味行先，而係似草莓嘅香甜味，質地比較濃稠厚身，我會形容有d似草莓蛋糕上嘅粉紅色奶油，但就唔太似流動性強帶少少鬆軟質感嘅奶蓋，入面嘅空氣亦都唔多。飲啖茶，幾清香，伯爵茶叫左少糖都唔太苦，但我係為左草莓而叫佢加嘛，說好了的草莓呢？我撈左幾次都見唔到，亦食唔出，真係有d失望顔色配搭幾靚，味道係
餐單有好多選擇，今次我揀咗草莓奶蓋，中杯22蚊，由於以前試過誤會飲品成分嘅關係，今次我專登睇埋英文版，確保萬無一失：Strawberry with milk foam.我理解嘅係真係有士多啤梨嘅飲品，無論邊間x茶嘅草莓奶蓋都會有d草莓睇得下，哪怕係碎左嘅果蓉，茶底亦有係餐單上標示伯爵紅茶，上面會加上奶蓋，最美好當然係有埋士多啤梨嘅果肉啦。
老實講見到實物我係有d意外，無諗過咁靚。
根據我飲過香港甚至國內嘅飲品奶蓋，通常都係由芝士打泡而成，理應係淡黃色或者奶白色，今次見到嘅，卻係粉紅色我相信佢應該係將士多啤梨味道嘅嘢加咗入去奶蓋裏面，所以呢杯草莓奶蓋真係由草莓味嘅奶蓋擔任主角，我第一次見，一試竟然唔係芝士味行先，而係似草莓嘅香甜味，質地比較濃稠厚身，我會形容有d似草莓蛋糕上嘅粉紅色奶油，但就唔太似流動性強帶少少鬆軟質感嘅奶蓋，入面嘅空氣亦都唔多。
飲啖茶，幾清香，伯爵茶叫左少糖都唔太苦，但我係為左草莓而叫佢加嘛，說好了的草莓呢？我撈左幾次都見唔到，亦食唔出，真係有d失望顔色配搭幾靚，味道係唔差，但同中英文名所表達嘅或者普遍人認知嘅草莓奶蓋真係唔係同一回事。
飲到底粉紅色比例更多，仍然係靚嘅。
其實店內有另一個草莓飲品叫草莓牛奶，係有圖有草莓嘅，但呢個草莓奶蓋就無，我建議改名做草莓味奶蓋或者粉紅草莓奶蓋會更直接，因為真係無草莓果肉/果蓉，而且奶蓋亦非平日嘅奶味芝士味白色奶蓋，係幾特別又幾靚，味道亦唔差，飲到底冰溶左d淡翻少少仲幾夾添，我無係其他店見過，但無謂令消費者以爲係同出面一樣而抱有相同期望，多少有d失望。
值得一讚係店員好細心，我前面嘅女生拮飲管後飲品有d瀉左，店員即刻拎幾張紙巾提女生抹左手機先，枱等佢處理，到我買時我想叫走糖，佢亦有提我伯爵茶無糖可能會有d苦，可以轉微/少糖好飲d
張貼
