影片
更多
2018-08-17
73 瀏覽
朋友話好想食泰國嘢，一於就搵下有冇啲環境又靚食物質素又高嘅泰國餐廳，今日黎到木船🚢Wooden Boat🚣♀️ 我覺得係物超所值琴日落住雨，但餐廳好細心有簷蓬同埋有凳係出邊比客人耐心等待。六點幾就去到，餐廳未算好多人更加份外感受到嗰份寧靜。❤️一入到去餐廳唔太昏暗亦都唔太光嘅環境情調啱啱好加上一啲泰式擺設有趣嘅設計，覺得浪漫之餘，帶點玩味有趣餐廳，環境配搭合宜，感覺良好。之後叫咗泰式慢燒牛肉沙律作頭盤。一食落去非常之驚喜，係因為牛肉有6片，非常多而且好厚，味道係令我最驚喜，因為一食落去帶點酸而刺激既辣即刻震撼味蕾，配埋下便青瓜西芹蘿蔔絲小車厘茄的酸辣配搭，作為一個頭盤沙律非常之開胃，令我即刻食慾大增，本身味道適中好適合作為第一個菜開胃，令我即刻食慾大增想食好多野。🥗之後就帶咗個Comb小食拼盤(小)，即使係小型但係都好夠兩人份量，有兩個蝦餅，兩個類似炸蝦球，兩條春卷同埋兩粒小扎肉。特別推介係炸蝦球因為好香脆而且好大粒好滿足！🍤之後一定要食呢個招牌嘅熔岩椰青海鮮焗飯。一嚟到已經俾佢外表深深吸引着因為上面仲有我最鍾意嘅水牛芝士🧀🧀有兩個青口兩隻蝦🦐🦐同埋一粒帶子。海鮮好新鮮而且份量啱啱好，入
琴日落住雨，但餐廳好細心有簷蓬同埋有凳係出邊比客人耐心等待。
六點幾就去到，餐廳未算好多人更加份外感受到嗰份寧靜。❤️一入到去餐廳唔太昏暗亦都唔太光嘅環境情調啱啱好加上一啲泰式擺設有趣嘅設計，覺得浪漫之餘，帶點玩味有趣餐廳，環境配搭合宜，感覺良好。
之後叫咗泰式慢燒牛肉沙律作頭盤。一食落去非常之驚喜，係因為牛肉有6片，非常多而且好厚，味道係令我最驚喜，因為一食落去帶點酸而刺激既辣即刻震撼味蕾，配埋下便青瓜西芹蘿蔔絲小車厘茄的酸辣配搭，作為一個頭盤沙律非常之開胃，令我即刻食慾大增，本身味道適中好適合作為第一個菜開胃，令我即刻食慾大增想食好多野。🥗
泰式熳燒牛肉沙律
$88
10 瀏覽
0 讚好
0 留言
之後就帶咗個Comb小食拼盤(小)，即使係小型但係都好夠兩人份量，有兩個蝦餅，兩個類似炸蝦球，兩條春卷同埋兩粒小扎肉。特別推介係炸蝦球因為好香脆而且好大粒好滿足！🍤
Combo小食拼盤（小$
$52
15 瀏覽
0 讚好
0 留言
之後一定要食呢個招牌嘅熔岩椰青海鮮焗飯。一嚟到已經俾佢外表深深吸引着因為上面仲有我最鍾意嘅水牛芝士🧀🧀有兩個青口兩隻蝦🦐🦐同埋一粒帶子。海鮮好新鮮而且份量啱啱好，入邊放着適量雞蛋炒飯最鍾意係餐廳將入邊嘅椰青肉切成小粒放入雞蛋炒飯入邊，好有咬口又特別。令我最鍾意就係佢個椰漿因為椰漿帶少少甜同埋口感好厚身，會令你不知不覺愛上佢，而餐廳非常之細心就係佢將椰青入邊嘅椰青水都俾埋客人飲。更加可以解心頭癮，又唔嘥野，成個椰青客人都可以食晒。食完炒飯就食埋內面椰青肉，好容易刮出嚟因為已經預熱左，鍾意椰青嘅朋友一定唔可以錯過！
熔岩椰青海鮮焗飯
$158
17 瀏覽
0 讚好
0 留言
另外就食咗呢個雞絲扎肉金邊粉，佢一想碟嘅時候我同朋友都為之一振，因為真係好大碗最。重要最重要嘅係佢入邊嘅雞絲係非常非常之豐富，淡淡雞絲，你都食唔晒扎肉亦都有四大片。
泰式雞絲扎肉湯粉
$58
28 瀏覽
0 讚好
0 留言
嘢飲方面就叫咗泰茶。喺泰國飲過奶茶就知道嗰啲奶茶會好甜同埋茶味嘅茶嘅顏色會深啲。但係我諗餐廳呢到就顧及在香港客人嘅口味，佢唔係太甜，反而好欣賞好少餐廳可以做到奶茶嘅茶味係濃郁！呢個先係重點！而餐廳就做到。
8 瀏覽
0 讚好
0 留言
同埋泰公主，有士多啤梨🍓青檸蘋果🍎打成嘅沙冰非常之美麗。各式生果配搭亦都啱啱好，主要飲到士多啤梨嘅清新，食泰式野，飲呢一個開胃清新嘅沙冰係最佳嘅配搭
5 瀏覽
0 讚好
0 留言
係間餐廳入邊環境情調好而且餐廳職員亦都好友善，非常之有禮貌而食物質素真係好高，好耐冇食過咁好味嘅菜式，所以我絕對好推介大家去木船體驗一個悠閒夜晚，就好似恍似置身于泰國小河一邊欣賞螢火蟲般美好。
張貼
