影片
更多
2022-07-25
2519 瀏覽
近排香港持續酷熱，34°C、35°C等閒事，老友話行山就頂唔順，所以，改改踩單車，由太和沿吐露港踩到出大圍，再原路返，好彩今日又幾夠海風，整體感覺都幾唔錯。最後，擺番好啲車之後，就兩支公由老死帶路到附近嘅「木船泰國粉麵專門」食埋嘢先散。店名叫得「木船」，點都有啲相關元素，當踏進餐廳，就彷如入到一艘大木船嘅內籠，一排排橫樑就好似啲船骨咁，而整間餐廳都以木系為主，做得都算有心思。此外，仲有好多跟船有關嘅裝飾，可以講喺有唔少打卡位，餐廳尾嘅壁畫亦畫的好靚，絕對跟餐廳名好貼切。我哋就接近旁晚嚟，加上稍後直接返小組，所以，呢餐喺下午茶，又喺晚餐。翻一翻餐牌，都有幾多選擇，散點、定食都有，款式好地道，當然，下午茶仲可能趕到尾班車。餐枱一旁就放好晒餐具、基本調味料，招呼亦好唔錯，雖然話用餐時間45min，但由於此刻客人唔多，所以，任我哋坐，仲執好張枱面叫我哋慢慢嘆埋杯凍飲添。汁燒黑豚肩飯 $88呢個喺額外一貢餐牌，唔知喺咪啲期間限定，但睇落好有睇頭，加上黑豚肩，似喺未食過，加大咗吸引力。果然，送到上枱「肩」喺大份，啲黑豚肩肉堆到成碗面都喺，此外，配溫泉蛋、青木瓜沙律（睇餐牌我以為喺揀其中一款咋）搭冬
店名叫得「木船」，點都有啲相關元素，當踏進餐廳，就彷如入到一艘大木船嘅內籠，一排排橫樑就好似啲船骨咁，而整間餐廳都以木系為主，做得都算有心思。
此外，仲有好多跟船有關嘅裝飾，可以講喺有唔少打卡位，餐廳尾嘅壁畫亦畫的好靚，絕對跟餐廳名好貼切。
我哋就接近旁晚嚟，加上稍後直接返小組，所以，呢餐喺下午茶，又喺晚餐。翻一翻餐牌，都有幾多選擇，散點、定食都有，款式好地道，當然，下午茶仲可能趕到尾班車。
餐枱一旁就放好晒餐具、基本調味料，招呼亦好唔錯，雖然話用餐時間45min，但由於此刻客人唔多，所以，任我哋坐，仲執好張枱面叫我哋慢慢嘆埋杯凍飲添。
汁燒黑豚肩飯 $88呢個喺額外一貢餐牌，唔知喺咪啲期間限定，但睇落好有睇頭，加上黑豚肩，似喺未食過，加大咗吸引力。果然，送到上枱「肩」喺大份，啲黑豚肩肉堆到成碗面都喺，此外，配溫泉蛋、青木瓜沙律（睇餐牌我以為喺揀其中一款咋）搭冬陰功湯，而飲品需另外加錢加配。
汁燒黑豚肩飯
$88
7 瀏覽
0 讚好
0 留言
由於啲黑豚好濃味，青木瓜沙律喺再好嘅搭配，啲青木瓜味道酸爽，清涼又有咬口，一啖豚肉，一口青木瓜清清味蕾，真喺幾過癮。
溫泉蛋就藏晌豚肉之下，做得唔比啲拉麵店差，加埋本身嘅醬油，拌飯一流；而豚肩肉薄切鹽燒，有種焦香感，口感軟腍有肉香，非常好食。
自製龍眼冰 +$10去食泰國菜，都幾多時揀龍眼冰，算喺幾情有獨鍾。嘩嘩嘩！不過呢度啲龍眼真喺俾得慷慨，堆到杯面成座小山，而食得出啲龍眼唔喺罐頭貨，由種純甜嘅味道，加上糖水部份亦無死甜嘅問題。
海南雞冬陰功湯粉 $78老友話以前成日嚟食早餐，因為有吸印花，5送1，無咗呢個推廣就嚟少咗，但佢都好鍾意食呢度啲冬陰功湯粉，話又抵食，又有水準，絕無欺場。睇到成品登場，果真所言非虛，唔止湯粉超大碗，海南雞嘅份量亦一大碟，再伴有3款泰式小食，包埋基本餐飲，點可以話唔抵吖。
海南雞冬陰功湯粉
$78
27 瀏覽
0 讚好
0 留言
啲海南雞做得一啲都唔馬虎，照樣伴有3色醬，而佐以唔少泡菜，酸爽好食。小弟都有試咗件雞，確喺唔錯，雞件皮薄肉滑，脂肪少，沾上甜甜哋嘅黑醬油就特別好食。老友仲話啲河粉好滑溜，多到好似食極都食唔完咁，個冬陰功湯好正，保持水準。
凍咖啡 +$5唔喺老友講都唔知，原來呢度啲咖啡沖得有一手，用上幾度地方嘅咖啡豆，沖出嚟嘅咖啡集醇厚、幽香，有回甘嘅感覺，雖然唔喺我飲，但聽老友分享都覺得杯咖啡掂呀！
食完個餐真喺醒神晒，多謝老友嘅推介，如果俾我，就晌番太和個商場食就算，唔會專登行過嚟。
張貼
