影片
更多
2021-03-16
2201 瀏覽
過年後嗰幾日，公司飯（即喺包伙食嘅供應商）暫停，所以，同事間就一齊叫外賣。晌Openrce嘅外賣自取優惠中睇到「泰正」，見佢標啲指定套餐有7折，折實價都附合我哋嘅預算，而啲套餐同事又啱食，所以，就一於嗌佢。 店鋪攝喺啲小攤販檔嘅後面，其實，利源東、西街都有好多呢啲專做外賣嘅小店，門口就喺窄窄嘅行人通道，故午飯高峰時段，真喺擠得水泄不通。門口棟咗個牌，有是日午餐供應，定價$38-$52，配小食、飲品都要另外加錢。馳名海南雞飯（套餐） $49因為喺網上預訂好，指定時間攞，所以，一去到就攞得，仲用個好搶眼嘅Openrice環保袋袋住啲食物。小弟點嘅喺海南雞飯，配白灼時菜、飲品，餐廳標原價$70，依家7折就只喺$49而已。其實，直接晌餐廳買，個飯就$52，加飲品就多俾$5（一般飲品）/$10（特飲），個時菜就可以唔使加。 白灼時菜睇到喺咩菜你就明點解散點時可以唔需要加錢要呢個時菜，一來真喺白灼，乜味都無，二來喺椰菜而已。除非你好想食菜，或好需要多啲菜落肚。 馳名海南雞飯由於屬泰式海南雞關係，醬料就只附有一小兜泰式辣醬，試咗少少，喺幾惹味，但辣度唔會好霸道，沾少少令雞肉多添另一番風味；雞肉嘅份量
店鋪攝喺啲小攤販檔嘅後面，其實，利源東、西街都有好多呢啲專做外賣嘅小店，門口就喺窄窄嘅行人通道，故午飯高峰時段，真喺擠得水泄不通。門口棟咗個牌，有是日午餐供應，定價$38-$52，配小食、飲品都要另外加錢。
馳名海南雞飯（套餐） $49因為喺網上預訂好，指定時間攞，所以，一去到就攞得，仲用個好搶眼嘅Openrice環保袋袋住啲食物。小弟點嘅喺海南雞飯，配白灼時菜、飲品，餐廳標原價$70，依家7折就只喺$49而已。其實，直接晌餐廳買，個飯就$52，加飲品就多俾$5（一般飲品）/$10（特飲），個時菜就可以唔使加。
白灼時菜睇到喺咩菜你就明點解散點時可以唔需要加錢要呢個時菜，一來真喺白灼，乜味都無，二來喺椰菜而已。除非你好想食菜，或好需要多啲菜落肚。
馳名海南雞飯由於屬泰式海南雞關係，醬料就只附有一小兜泰式辣醬，試咗少少，喺幾惹味，但辣度唔會好霸道，沾少少令雞肉多添另一番風味；雞肉嘅份量都OK啦，但略嫌隻雞有啲瘦，幸而肉質都夠滑，皮下脂肪少。飯底選香茅油飯，確喺滲出微微香茅香，不過，個人就覺得飯質有少少爛，落水落多咗啫。
龍鳳檸樂飲品可以配凍啡、凍奶茶、凍檸茶之類，但無咁着數嘛，梗喺配特飲啦。原支可樂，配上「鴛鴦檸檬」冰底，喺最抵之選，但啲鮮檸切角，浮浮沉沉就比較難篤啲，下次再飲就先篤後斟汽水。
整體而言，啲嘢食質素就唔喺話好高，折扣咗仲叫食得過，但如果俾正價，同事們都話不如叫番吉野家、MX、大家樂……仲划算得多，平啲，選擇多啲，又好食啲。
張貼
