薄荷葉泰國菜

營業中

休息中

環境：餐廳可以搭巴士🚍，小巴或輕鐵到達。如果揸車的話，附近都有好多咪錶位！個地點比想像中方便！⏰由於今日六點幾去到，所以唔係太多人！仲可以揀坐室內定係室外！因為天氣太熱🌞嘅關係，所以揀咗室內嘆冷氣！🌬環境好有泰國渡假✨嘅感覺！無論💡燈飾定係擺設都好有特色！一坐低佢就俾咗個有機酸辣青瓜紅蘿蔔做前菜！十分醒胃！泰式生蝦刺身：呢個係Menu冇，侍應特別推介！我見每枱都叫咗一客，所以就唔執輸叫黎試吓先！雖然要$198，但係真係一分錢一分貨！啲蝦勁彈牙勁有口感！冬陰公湯：哇！呢個冬陰功湯超級足料，有勁多隻蝦！我哋兩個人只係叫咗一客細嘅，都有六碗嘅份量！沙嗲（雞牛羊各兩串）：都幾大串下！同埋燒嘅火候都控制得十分好！甜酸魚：你睇吓個賣相，真係不得了！🤣🤣條魚唔算多骨，外脆內軟，加埋啲酸甜汁！好快我哋就食晒成條lu!蝦醬炒飯：呢個係一個非一般嘅蝦醬炒飯！因為佢有好少見嘅魔鬼魚干！侍應上枱嘅時候，叮囑要將啲魔鬼魚干整碎，撈勻再食！炒飯加埋脆卜卜嘅魚干同其他配料！真係別有一番風味！😋😋😋飲品：我哋叫咗石榴汁同埋椰青！真材實料，十分解渴👍🏻最後值得一提嘅係，佢本Menu都幾有心思去設計㗎！原來佢係有自家嘅農