東海堂 (港鐵美孚站) (已結業)

早前友人試過一款「東海堂」新出品嘅芝士蛋糕「深旨‧芝士蛋糕」（$55），推介俾小弟，認為好啱我味。老實講，咩甜品我都啱架啦，芝士系就更喺其一，再者，東海堂嘅出品向來都有信心。盒內附有一張簡介，介紹蛋糕嘅特色，賣點之處，更溫馨提示，雪一雪凍食就更好。打開包裝盒，芝士蛋糕嘅賣相喺「黑古勒特」，一臉古銅，所謂「深旨」，可以理解為深度烘焙。咪睇佢細細個，切開一睇，你就知密度有幾高，好墜手吓。經深度烘焙，面層帶點焦香甘甜風味，而內層嘅質感挺身得嚟，卻非常軟滑細膩，並且芝士味勁濃郁。細細哋一個芝士蛋糕，作為兩公婆嘅晚飯後甜點，就最好不過。老婆都讚呢一款芝士蛋糕好食，啱晒佢口味，當然啦，我都深知你心嘛。