影片
更多
2024-06-02
1157 瀏覽
今日嚟到荃灣南豐紗廠嘅 Yau Veggie Diner，上次嚟係食 Yau Veggie Bistro，YV Diner 係漢堡包店，大家都知有咩賣啦 😅，價錢亦比 Yau Veggie Bistro 親民啲，感覺亦 casual 啲。餐廳裝修走美式懷舊路線，播嘅音樂都係舊啲嘅英文歌。餐牌上嘅食物都係素食，可按需要轉為純素。但佢哋嘅 milkshakes 同 sundaes 就已經係 vegan 㗎喇。💚漢堡包嘅種類有八款，望吓成份全部都一定有 Impossible beef patty，就算小羊漢堡都係 🐑，真係幾好奇點樣可以做到食落去各有自己嘅特色呢？可惜我人得一個，只可以試一款口味，就揀咗有辣肉醬嘅 Carolina Burger $129。另外加 $50 轉 combo，小食揀咗薯條，飲品就要檸檬梳打。🥤真漢子覺得今次冇揀錯，因為加咗辣嘅嘢通常都唔會太差，辣肉醬真係幾辣幾刺激，加埋塊牛肉漢堡扒可謂雙重享受。配料仲有芝士，捲心菜，洋蔥，紅蘿蔔絲。薯條比較一般，檸檬梳打飲落咸咸哋，似飲緊茶餐廳嘅咸檸七。🍋素友如果去 Five Guys 係咪好好奇奶昔加咗煙肉係咩滋味呢？而家唔使估
餐廳裝修走美式懷舊路線，播嘅音樂都係舊啲嘅英文歌。餐牌上嘅食物都係素食，可按需要轉為純素。但佢哋嘅 milkshakes 同 sundaes 就已經係 vegan 㗎喇。💚
漢堡包嘅種類有八款，望吓成份全部都一定有 Impossible beef patty，就算小羊漢堡都係 🐑，真係幾好奇點樣可以做到食落去各有自己嘅特色呢？可惜我人得一個，只可以試一款口味，就揀咗有辣肉醬嘅 Carolina Burger $129。另外加 $50 轉 combo，小食揀咗薯條，飲品就要檸檬梳打。🥤
Carolina Burger
$129
79 瀏覽
0 讚好
0 留言
真漢子覺得今次冇揀錯，因為加咗辣嘅嘢通常都唔會太差，辣肉醬真係幾辣幾刺激，加埋塊牛肉漢堡扒可謂雙重享受。配料仲有芝士，捲心菜，洋蔥，紅蘿蔔絲。薯條比較一般，檸檬梳打飲落咸咸哋，似飲緊茶餐廳嘅咸檸七。🍋
Carolina Burger
$129
102 瀏覽
0 讚好
0 留言
素友如果去 Five Guys 係咪好好奇奶昔加咗煙肉係咩滋味呢？而家唔使估估吓，YV Diner 嘅「楓糖煙肉奶昔」可以滿足到你。不過佢再勁啲，唔係比煙肉碎，而係兩大條煙肉，大你一百萬。🤣
Vegan 奶昔每款都係賣 $69。呢個楓糖奶昔味道都 okay ，不過可能我少飲奶昔就覺得比較甜。煙肉除咗個樣似，味道都好像真。另外 cream 上面有啲脆脆唔知係咩嚟嘅。😂
楓糖煙肉奶昔
$69
60 瀏覽
0 讚好
0 留言
佢哋嘅營業時間比較特別，係 12 - 6。所以想試嘅朋友要早少少去，否則摸門釘就唔好了。⏰
張貼
