春禧小館 (已結業)

今日同阿囡去完觀塘海濱長廊玩，見肚餓去附近搵啲野食。行出去偉業街，見到對面街有兩張圓枱喺間鋪頭出面佢隻色係我鍾意嘅Tiffany blue😍，好奇心驅使下行近望下睇吓呢個餐廳食咩先。原來係一間 地道台灣美食餐廳佢側邊有張長櫈（又係Tiffany blue 😍），牆上面嘅霓虹燈寫住「牛肉麵」同「鹽酥雞」，睇到呢兩隻字已經覺得肚仔餓🤣。門口右邊有幾張高櫈 阿囡話試吓坐喎！感覺似去左酒吧咁🤣🤣好啦！ 我地都係去返打卡位坐！成幅花花牆真係影相一流👍🏻👍🏻【滷肉飯（細）🍚】🤤肥美豬肉配上香濃醬汁，非常好送飯！阿囡食左大半碗【極品牛盛台灣麵🍜】老公話台灣地道美食，佢話首選一定係牛肉麵。呢個牛盛有咩呢？就係有腱心牛肉、牛筋、牛肚、牛腩。牛肉、牛腩同牛筋好淋又入味，牛肚爽口，啲麵煮得非常彈牙，牛肉湯濃郁有陣陣八角香味。【麻辣燙鴨血米線🍜】難得唔使同個女share 一個午餐，我當然要食辣野，一定要揀麻辣鴨血😆呢碗米線令我驚喜嘅地方係有3件我最鍾意食嘅芋絲，芋絲索晒麻辣湯食完一粒咳左好耐🤣🤣真係好辣好惹味，鴨血簡直不得了，如果可以再厚啲就仲正🤣🤣我老公仲笑我食辣野咳到傻，以為我食唔晒，點知食食下就無再咳！