影片
更多
2014-11-17
9686 瀏覽
呢個零食檔仔味道如何都不用多介紹, 反而想講下檔仔當今之經營手段。記得以前唐伯伯還在的時候, 生意唔係咁樣做法, 做到幾多檸檬就賣幾多。 人走茶涼, 到佢個仔接手, 係人想買野, 佢都話「無呀無呀」。用來用去都係嗰幾個藉口, 「檸檬失收返唔到貨呀」「今朝都唔想開喇, 無檸檬賣呀」「菜瀾今朝嚟買都買唔到呀」「唔信你問下佢地吖」「賣晒喇返唔切貨呀」「無呀無呀」。雖然唐仔接手後我平均一年幫襯唔到一次, 呢幾個爛藉口都依然loop住次次聽到。其實好多街坊都知(隱約記得雜誌訪問都有提過), 檔仔對面商廈有個倉, 達官貴人等等熟客來到, 佢就會自動上樓攞出嚟賣, 根本貨源沒有大問題。當中最匪夷所思嘅思維竟然係, 如果擺晒啲貨出嚟, 一次過俾人買晒, 明日咪無貨賣囉。 OK, 非常理解香港地明買明賣, 老細絕對有權打開門口做生意, 不過唔賣俾你。唔知道好彩/唔好彩, 最近幾次去到, 依舊有堆人圍住個檔, 一樣聽到「無呀無呀」「真係無喇」「賣晒喇」, 初頭幾次都諗住可能真係要摸門釘了, 人群稍退, 上前問一問, 老細又叫我等陣, 果然佢上樓落返嚟, 又拎到十包八包出來 。(雖然當時無人爭, 但我
人走茶涼, 到佢個仔接手, 係人想買野, 佢都話「無呀無呀」。用來用去都係嗰幾個藉口, 「檸檬失收返唔到貨呀」「今朝都唔想開喇, 無檸檬賣呀」「菜瀾今朝嚟買都買唔到呀」「唔信你問下佢地吖」「賣晒喇返唔切貨呀」「無呀無呀」。雖然唐仔接手後我平均一年幫襯唔到一次, 呢幾個爛藉口都依然loop住次次聽到。其實好多街坊都知(隱約記得雜誌訪問都有提過), 檔仔對面商廈有個倉, 達官貴人等等熟客來到, 佢就會自動上樓攞出嚟賣, 根本貨源沒有大問題。當中最匪夷所思嘅思維竟然係, 如果擺晒啲貨出嚟, 一次過俾人買晒, 明日咪無貨賣囉。
OK, 非常理解香港地明買明賣, 老細絕對有權打開門口做生意, 不過唔賣俾你。唔知道好彩/唔好彩, 最近幾次去到, 依舊有堆人圍住個檔, 一樣聽到「無呀無呀」「真係無喇」「賣晒喇」, 初頭幾次都諗住可能真係要摸門釘了, 人群稍退, 上前問一問, 老細又叫我等陣, 果然佢上樓落返嚟, 又拎到十包八包出來 。(雖然當時無人爭, 但我只係要咗兩包, 唔貪心 =] )
我呢個普通人連續幾次都係咁樣買到檸檬, 本來應該好高興, 但係其實我唔係咁開心。唔明點解而家有人要咁樣做生意?? 我寧願真係賣晒, 大不了下次路過再睇下, 總好過次次看到大班街坊團團圍住檔仔乞求賞賜, 人地明明有貨, 偏偏唔賣俾你。檔口寫明「不設預售」, 但係老細又好鼓勵大家打俾佢「打聽」一下。其中一次, 有個街坊靜悄悄飄過來同我講, 「下次記得戴住口罩先好過嚟買, 見你唔舒服佢多數都會賣俾你架」。我心諗唔_係啩, 買包檸檬都要扮鬼扮馬??
依然深信香港地做生意大可以明賣明買, 老細本身都應該相當友善嘅。只係普羅街坊想幫襯買包檸檬都要搞到咁辛苦, 我會選擇唔買囉。可能有人想班街坊日日埋嚟圍下, 幫手做下勢。童話故事裡面, 木偶一講大話, 個鼻就會變長啲。如果係真嘅, 我諗佢日日講, 個鼻都應該長到去西環咯。
張貼