真滋味美食

營業中

休息中

同朋友係西環碼頭食雞脾🍗朋友問我食過真滋味美食既烤雞脾未? 我話未🙊佢話好出名，黎到一定要食下，於是我地買左一隻去碼頭慢慢嘆。為免要等咁耐，我地打電話去訂📱朋友打左十幾次去先打通，果然好受歡迎😂老闆👴🏻好搞笑，話5分鐘有得拎，問左幾次黎唔黎到拎呀，如果5分鐘拎唔到就比下個架啦~(老闆好有禮貌問)我地當然黎到啦，因為係斜對面街🤣行到過去，有3個人買緊野食。老闆問朋友有冇訂雞脾呀? 朋友話5分鐘前打過黎要一隻，老闆娘就拎左隻雞脾問我地使唔使脆啲，要脆啲既話要烤多一陣，我見咁金黃就話唔使，就咁可以。係我地走既時候忽然後面多左成6，7個人，我諗應該都係訂左雞脾🤔講番隻烤雞脾，真係堅大隻，雞肉好嫩好多汁，而且一啲都唔油，食烤好過食炸，加上雞脾搽左蜜糖烤，食落更加香🤤雖然賣29蚊，呢個味道同份量我覺得都抵食。