影片
更多
2009-09-26
23 瀏覽
庄友生日所以一行9人又去搵好野食喇! 其中一個庄友話呢間野幾好食, 又好彩即使只係前一日book 都book 到位(可能因為係星期一啦), 所以就黎左呢度喇, 首先值得一讚既係佢地好好人! 我地bk 位既時候改左2 次佢地都好好人幫我地轉!9個人仲要7男2女叫既野食當然多到發癲, 而且間野好多野食都有半價我地真係好似唔駛錢咁係咁叫野食! 各款壽司我地叫左三文魚, 饅魚, 帶子, 腐皮, 玉子, 燒芝士三文魚, 甜蝦, 軟殼蟹, 芥辣八爪魚大部份都好食, 三文魚個d雖然平,但依然幾厚幾肥美, 個芝士三文魚都燒得岩岩好. 咁多款之中我最鍾意係軟殼蟹, 因為佢真係好脆好多肉好好食, 而比較唔好食係特長饅魚, 條饅魚燒得唔夠香而且個饅魚汁同個飯唔係好夾.另外, 我自己就無食到腐皮, 不過食左既朋友話個腐皮太厚太酸唔好食 刺身刺身真係好抵因為有半價我地叫左2 個刺身一個雜錦一個係一磅三文魚真係好好食呀! 雜錦個個我地一致激讚因為每一樣野都好新鮮, 有甜蝦, 有三文魚, 有青紅魚, 有吞拿魚等等, 唯一真係唯一係個帶子, 有d薄同埋有d腥三文魚刺身, 又厚又肥我地真係食到好滿足! 熱食我地都叫左好
庄友生日所以一行9人又去搵好野食喇! 其中一個庄友話呢間野幾好食, 又好彩即使只係前一日book 都book 到位(可能因為係星期一啦), 所以就黎左呢度喇, 首先值得一讚既係佢地好好人! 我地bk 位既時候改左2 次佢地都好好人幫我地轉!
9個人仲要7男2女叫既野食當然多到發癲, 而且間野好多野食都有半價我地真係好似唔駛錢咁係咁叫野食!
各款壽司
我地叫左三文魚, 饅魚, 帶子, 腐皮, 玉子, 燒芝士三文魚, 甜蝦, 軟殼蟹, 芥辣八爪魚
大部份都好食, 三文魚個d雖然平,但依然幾厚幾肥美, 個芝士三文魚都燒得岩岩好. 咁多款之中我最鍾意係軟殼蟹, 因為佢真係好脆好多肉好好食, 而比較唔好食係特長饅魚, 條饅魚燒得唔夠香而且個饅魚汁同個飯唔係好夾.另外, 我自己就無食到腐皮, 不過食左既朋友話個腐皮太厚太酸唔好食
刺身
刺身真係好抵因為有半價
我地叫左2 個刺身一個雜錦一個係一磅三文魚
真係好好食呀! 雜錦個個我地一致激讚因為每一樣野都好新鮮, 有甜蝦, 有三文魚, 有青紅魚, 有吞拿魚等等, 唯一真係唯一係個帶子, 有d薄同埋有d腥
三文魚刺身, 又厚又肥我地真係食到好滿足!
熱食
我地都叫左好多熱既小食呀! 有餃子, 蜆肉炒菇, 炸薯餅, 飛魚子炒飯, 燒魚, 金菇牛肉卷. 除左個餃子唔知點解好似無煎過-_- 有d難食之外其餘都好好食, 由期係個燒魚燒得岩岩好好好食呀!
今餐真係食得好開心, 除左野食又平又好食之外仲好舒服, 講真我地9 個人真係好嘈哈哈, 不過老闆真係好好由我地坐足三個鐘都無想我地快d走既意思哈哈, 而且仲成日笑笑口咁幫我地加水影相. 我地有拎蛋糕去, 佢地竟然唔收切餅費! 我真係覺得好難得! 雖然我一直都唔明點解d餐廳呀cafe 呀要收不過當真係有一間唔收既時候我真係覺得好感動! 埋單! 食左勁多野先一人百幾好好呀呢間餐廳一定會再黎!
張貼
