影片
更多
2019-09-30
1065 瀏覽
身為貓奴，日日對住屋企果隻高高在上嘅主子，總會心絲絲想摸下其他貓貓，肉球不滿嘅小妹呢日收工就丟低主子獨守空房，特登黎到呢間貓貓Cafe，諗住試下偷食貓貓嘅感覺啦～之所以會揀呢間Cafe係因為見到佢有參與好多關於資助流浪貓貓嘅活動，而幫襯呢間鋪頭亦間接地幫助左流浪貓貓，何樂而不為呢？入到門口會有新加入貓貓嘅簡介，每隻都好得意呀～入到門口要先除鞋，放入指定嘅鞋櫃入邊，鞋櫃周圍都有好多貓貓嘅擺設。提提大家，如果當日冇著襪嘅話，可以喺鋪頭買一對，都係$5姐，仲係捐助給流浪貓嘅！Cafe地下係榻榻米黎，一入去就見到好多可愛嘅貓貓開緊餐啦！你睇下佢，用生命食緊野咁呀！～安排坐低左之後，工作人員會詳盡咁介紹同解釋Cafe入邊嘅設施、點餐同計時。呢度頭一個鐘係計$68，包一杯野飲，如果叫野食嘅話就會包埋頭一個鐘嘅錢，之後每加一個鐘$38包一杯野飲。大家要留意一下食嘢嘅注意事項～草莓香蕉班戟配蜂蜜（$118）：呢個pancake整得好精緻，入面每層都有香蕉添㗎，用蜂蜜代替一般嘅朱古力醬嗰啲，唔會太甜，配埋隔離伴碟嘅士多啤梨，香甜又唔會滯，好味！煙肉芝士牛肉漢堡配薯條（$138）：朋友原本嗌呢個餐係貪佢夠
入到門口會有新加入貓貓嘅簡介，每隻都好得意呀～
入到門口要先除鞋，放入指定嘅鞋櫃入邊，鞋櫃周圍都有好多貓貓嘅擺設。提提大家，如果當日冇著襪嘅話，可以喺鋪頭買一對，都係$5姐，仲係捐助給流浪貓嘅！
Cafe地下係榻榻米黎，一入去就見到好多可愛嘅貓貓開緊餐啦！
你睇下佢，用生命食緊野咁呀！～
安排坐低左之後，工作人員會詳盡咁介紹同解釋Cafe入邊嘅設施、點餐同計時。呢度頭一個鐘係計$68，包一杯野飲，如果叫野食嘅話就會包埋頭一個鐘嘅錢，之後每加一個鐘$38包一杯野飲。
大家要留意一下食嘢嘅注意事項～
草莓香蕉班戟配蜂蜜（$118）：呢個pancake整得好精緻，入面每層都有香蕉添㗎，用蜂蜜代替一般嘅朱古力醬嗰啲，唔會太甜，配埋隔離伴碟嘅士多啤梨，香甜又唔會滯，好味！
草莓香蕉班戟配蜂蜜
$118
75 瀏覽
0 讚好
0 留言
草莓香蕉班戟配蜂蜜
$118
65 瀏覽
0 讚好
0 留言
煙肉芝士牛肉漢堡配薯條（$138）：朋友原本嗌呢個餐係貪佢夠飽肚，點知最後朋友好滿意呢個包。佢話雖然個樣一般，但咬落去係超級無敵juicy又濃牛味，仲話比起出邊餐廳食$200嘅漢堡包仲好食！我咬咗一啖的確係好唔錯，強烈建議嚟呢度嘅朋友就要嗌呢個餐！薯條非油炸得黎，份量仲要好多添！
煙肉芝士牛肉漢堡配薯條
$138
15 瀏覽
0 讚好
0 留言
飲品: 左邊係水蜜桃紅茶，右邊係金桔檸檬紅茶，唔會太甜，唔錯。杯墊超得意！
15 瀏覽
0 讚好
0 留言
食完就係時候去玩貓啦～呢間Cafe大部份都係唐貓，因為好多都係流浪貓嚟。但唐貓先又嗲又活潑近人呀~
另外有兩隻藍貓，大家要留意呢兩隻藍貓係唔俾人抱㗎，千祈唔好手多多啦～
其他唐貓全部都好得意，有隻仲特登走咗去我哋隔離個櫃度瞓覺添，心要融化啦～～
玩到咁上下貓貓都瞓晒覺啦～
呢度仲有個書櫃入面有好多唔同嘅書俾貓奴取經～
我地最後逗留左兩個鐘，時間差不多，就要返去服侍主子啦～總括嚟講呢間Cafe食物質素好高，同埋環境都好乾淨企理，完全冇異味。貓貓活潑得意又近人，完全唔會搶食物，環境佈置充滿貓貓，好治癒。推薦各位愛貓但未養到貓，養緊貓但「肉球不滿」嘅朋友仔黎呢度享受可愛貓貓嘅包圍～
張貼
