影片
更多
2018-03-09
131 瀏覽
平時同大胃王老公食越南河粉，最擔心係佢唔夠飽，聽講呢間fuhn 係sell北美式即係大大碗嘅越南粉，咁就啱喇！放工即刻捉埋老公去試下！點解店名叫Fuhn都有解釋，原來越南粉pho嘅讀音係［fuh]，加n之後就同fun同音，看來都係想食客食得開心又過癮。今次食飯嘅體驗，由開始到完結我都感受到食店嘅細心同用心。由餐牌嘅仔細介紹，到食水嘅品質，同香草嘅運用，都無微不至咁照顧。食客可以按自己食量同人數選擇湯粉嘅大小。詳盡介紹每一種香草，呢一頁我好用心睇，真係長知識！😂食水都有品質證明，真係令人食得開心，飲得放心。既然以食大碗越南粉做招徠，咁一定要試個特色牛湯粉，我地兩個人share一碗，所以叫XL，要金邊粉，再加$20追加安格斯生牛肉。黎到見到真身，就開始擔心兩個人食唔食得哂⋯特色牛肉湯粉中包括左多款材料：生牛肉、牛坑腩邊、牛腩邊、牛筋片、手打牛丸，仲有牛柏葉。先講特色牛肉湯粉，湯底幾清甜，金邊粉滑，而且材料真係好豐富。牛坑腩邊夠腍，牛筋片薄切，好爽口；牛丸唔係平時食實淨彈牙果種，有牛味，因為人手打所以會比平時食果d軟腍少少，我好鍾意；生牛肉肥瘦剛剛好，好滑！另外芽菜、辣椒碎同青檸會另上，按需
點解店名叫Fuhn都有解釋，原來越南粉pho嘅讀音係［fuh]，加n之後就同fun同音，看來都係想食客食得開心又過癮。
今次食飯嘅體驗，由開始到完結我都感受到食店嘅細心同用心。由餐牌嘅仔細介紹，到食水嘅品質，同香草嘅運用，都無微不至咁照顧。
食客可以按自己食量同人數選擇湯粉嘅大小。
詳盡介紹每一種香草，呢一頁我好用心睇，真係長知識！😂
食水都有品質證明，真係令人食得開心，飲得放心。
既然以食大碗越南粉做招徠，咁一定要試個特色牛湯粉，我地兩個人share一碗，所以叫XL，要金邊粉，再加$20追加安格斯生牛肉。黎到見到真身，就開始擔心兩個人食唔食得哂⋯
特色牛肉湯粉中包括左多款材料：生牛肉、牛坑腩邊、牛腩邊、牛筋片、手打牛丸，仲有牛柏葉。
先講特色牛肉湯粉，湯底幾清甜，金邊粉滑，而且材料真係好豐富。牛坑腩邊夠腍，牛筋片薄切，好爽口；牛丸唔係平時食實淨彈牙果種，有牛味，因為人手打所以會比平時食果d軟腍少少，我好鍾意；生牛肉肥瘦剛剛好，好滑！
另外芽菜、辣椒碎同青檸會另上，按需要自行加。仲有一杯用水種住嘅香草任摘，然後放入湯粉中增強香味，好有趣！
我地仲點左小食拼盤，有三款小食：炸春卷、牛油雞翼、炸蝦餅。我最欣賞個炸蝦餅，我食左其他野先食佢，都仲keep到脆卜卜，咬落好足料，蝦膠仲包住原粒蝦肉。春卷亦炸得香脆，反而雞翼較普通，肉質實左d。
鮮蝦柚子沙律，沙律盤原來好深，好多菜，混合埋香草。柚子肉清甜多汁，d蝦仲有蝦膏添，好清新好健康！
新鮮椰青👍🏻清甜，仲可以刮入面d椰青肉黎食，好鍾意。
張貼
