爆丼屋 (已搬遷) 新店位置

一直都聽過朋友介紹爆丼屋，話用料新鮮而且份量好足，但就一直無試過，因為要過海，今日咁岩過海做野，就約埋媽咪去試下夢之丼 $278夢之丼淨係睇餐牌介紹都已經好出色，個飯有帶子，油甘魚，蝦，赤貝等，材料真係好足呀🤤可以一啖飯一啖海鮮，所有刺身都係厚切，真係一試難忘鵝肝海鮮盛丼 $248媽咪就唔想食太生，所以叫左呢個輕輕灸燒過既鵝肝海鮮丼，上菜既時間真係好吸睛呀，用左帶子圍邊，大大舊既鵝肝仲滴緊油😍真係令人垂涎三尺，蛋桔穿後撈埋飯食真係好滑溜粒粒蘋果汁&粒粒柑橘汁 $35/枝由日本直送既粒粒果汁，啖啖都係粒粒果肉，飲完仲有解膩既感覺，夏天飲就非常解暑。