金牌源記 (已結業)

聽朋友講荃灣開咗間蒸氣火鍋仲要係288蚊冇+1冇額外收費包茶水醬料湯甜品。聽完之後隻眼即刻發曬光捉埋媽咪去食。真心講宜家呢個價食到咁多野，真係超值又有鮑魚又有龍蝦又有蟹，全部都係唔平嘅海鮮🦞。去到嗰陣門口已經有條小人龍不過好彩等左一陣都好快安排左我哋入座。每台都有一棟蒸籠放喺你旁邊，氣勢十足。雖然有張紙話俾你知海鮮蒸幾耐但係全程都會有店員幫你整完全唔使動手。波士頓龍蝦、鮮鮑魚、大鱔、花尾龍躉、清蒸海蝦、蒸大蜆、梅菜蒸娃娃菜、蒜蓉蒸扇貝蟶子皇、長筒鮮魷陳村粉、源記荷葉蒜蟹飯同甜品。最鍾意係：龍蝦🦞，彈牙肉質爽口。蒜蓉蒸扇貝蟶子皇配蒜蓉粉絲真係冇得彈。仲有個蒜蓉蟹飯，係壓軸嘅好戲，香而不濃岩岩好。