鐵堂 (已結業)

聽聞佐敦開左間勁貼地氣既型格居酒屋「鐵堂」，見到個餐廳門面，兩秒已經愛上佢既典雅，加上主打既套餐相當抵食，無論金銀銅鐵，我要哂！正所謂鐵漢柔情勝過黎明，Charming！佢地仲有私隱度高既private room，值得一試。👇🏻📌丼 飯 - ▪️ 鐵 丼 - $118 ▫️ 人氣黎講呢個「鐵丼」可謂數一數二，一個丼飯食勻三文魚、吞拿魚、劍魚腩、吞拿月、帆立貝、北寄貝、希靈魚、飛魚籽。帶子非常鮮甜，加上飛魚籽、wasabi蓉做提鮮，其餘刺身食落新鮮嫩口，配搭醋飯味道一流。▪️ 原 條 蒲 燒 鰻 魚 飯 - $118▫️ 第二個丼飯必試呢個「原條蒲燒鰻魚飯」，原條鰻魚果然份量十足，賣相肥美肉厚，食落肉質彈牙啖啖肉，配搭鰻魚汁，惹味感大增，呢個一定要試。📌炸 物 - ▪️ 明 太 子 雞 翼 -▪️ 雞 皮 餃 子 -▫️「明太子雞翼」每隻都脹卜卜，裡面明太子餡夠哂足料，外層炸得非常香口。▫️「雞皮餃子」新鮮即炸，雞皮非常香脆，包住肉餡口感香滑，口感一流，配搭佢地house sake，絕對係夾到爆。