阿拉丁咖喱屋

營業中

休息中

當你從time square 行去SOGO過馬路嘅時候，可能都會留意到「阿拉丁」🤪無錯，LadyB 今日終於有機會去試吓佢。唔知點解，呢度好有「阿飛正傳」既感覺，可能因為佢用祖母綠嘅綠色牆💚🙂咁啱安排坐係面向time square 嘅窗，個view 幾正，仲可以睇到大電視😆言歸正傳,食物方面：🫓Naan bread: 好正！有咬口，有厚度，軟硬適中。🥘咖喱羊：少少羊羶味，啱啱好。咖喱偏酸。可能係要就番一般食客嘅口味，所以唔係特別辣。咖喱質地偏水狀，蘸點naan bread 有困難。🥭芒果乳酸：感覺淨係得mango purée, 有多啲乳酸會好啲。午餐一般$65，芒果乳酸另加$18。後記：位置係唐樓2樓，要行樓梯，成果感覺真係好阿飛正傳。後記2: 可能懷舊，通風系統都係懷舊，成間餐廳充滿印度咖喱香料味同肉味，有潔癖嘅朋友仔要注意哦。