萬麗咖啡室

營業中

休息中

2023年10月14日今日爬完龍舟，要食返餐豐富d 補充體力。今晚黎試吓萬麗海景酒店自助餐，用餐時間係晚上1830至2130 。今次主題係青口，有即整青口鍋，有三款不同口味，包括意式蕃茄、荷蘭傳統、泰式咖喱。我食咗蕃茄和荷蘭味，廚師非常用心製作，青口好新鮮、鮮嫩。另外沙律方面亦都有青口海鮮沙律。除咗青口，仲有多款凍海鮮選擇，包括：凍波士頓龍蝦，好多膏好好味。麵包蟹、蟹腳、帶子、蝦⋯⋯必食推介當然係蒸波士頓龍蝦，即叫即蒸，好新鮮、好彈牙，仲好多膏。環球風味熱葷，就有蝦餃、蒸魚、炸雞、羊扒⋯⋯而甜品方面，最吸引就係十二款口味XTC意式雪糕，有港式奶茶味、抹茶、咖啡、朱古力、雲呢拿、芒果、士多啤梨、海鹽焦糖⋯⋯加埋窩夫一齊食就更加好味。整體來講全部都好好食，而且服務質素好好，店員收碟速度快、有效率、最重要係有禮貌！