Hungry Lobster (已結業)

之前去美國旅行冇食到Luke's Lobster，一直懷恨在心。雖然呢兩年香港都開咗好幾間食lobster roll，但地方始終唔係幾就腳，所以一路都仲未試過。早排見銅鑼灣新開咗呢間Hungry Lobster，地點方便，於是決定試吓一入到餐廳就有濃濃嘅龍蝦味撲鼻，因為個廚房係開放式裝潢都幾有個性呢一日我哋三個人去，叫咗個［飢餓龍蝦全餐，$588］，有齊signature菜式，係二至三人份量［法式龍蝦湯］好濃好濃嘅龍蝦味，每飲一啖個口充斥住龍蝦嘅鮮甜味同天然咸味，口感都好滑個湯仲有跟一塊蒜蓉包，點湯食都好夾［龍蝦長通粉］我個人好鐘意蕃茄based嘅意粉，所以呢個長通粉好啱我食。意粉入面好多龍蝦肉，都好鮮甜雖然penne稍為有少少over cooked，但整體都不錯［龍蝦包］呢個lobster roll入面除咗有面頭兩隻龍蝦鉗之外，包入面都釀滿龍蝦肉，所以加加埋埋應該都有差唔多一隻龍蝦嘅肉龍蝦肉夠新鮮，肉質彈牙爽口，又有微微海水味；而麵包烘得外脆內軟，又有濃郁牛油香［烤全隻波士頓龍蝦，配薯條、沙律］好多羔！最鐘意食蝦羔！龍蝦身嘅肉好易拆出，一大啖食落去確係一種享受而鉗同腳嘅殻都已經扑碎過