泰色食 (已結業)

🏘天后一直都係唔少小店既集中地，成日係度都揾到令人有意外驚喜既餐廳，今日揀既呢間餐廳就唔係大路電氣道，而係旁邊横街水星街入面🛕餐廳睇裝修就以為只係一間普通泰國餐廳，但睇到餐牌就發現係一間台泰餐廳，有齊各式各樣既台灣同泰國菜式，可以自由黎個mix & match 🍛自製蝦醬炒飯上檯時聞到好香，但食落蝦醬味唔太濃。炒得幾乾身，唔會太油。 🍳台灣蚵仔煎高分之作，估唔到係度食到咁好味既蚵仔煎。剛上檯時仲覺得好似有d煎燶咁，但食落好可口香脆，蚵仔數量都多，配合埋微辣既醬汁好惹味。 🥣椰子雞湯跟餐除咗飲品仲可以揀湯，一碗熱湯暖身心。淡淡既椰子味隨雞湯進入我既口腔，湯入面仲有椰肉雞肉，真材實料。 🍰千層糕即叫即蒸既甜品，等咗大約15分鐘就有，深綠色得黎有d通透。好煙韌彈牙，仲有斑蘭香氣，但唔會太粘牙