影片
更多
2022-05-29
122 瀏覽
元朗天空之城果真是 「臥虎藏龍」！搵食唔去鬧市，去遠少少都可以搵到好西，今次特登入來「朝聖」食肉蟹放題！除了肉蟹之外，仲可以試到唔同海鮮，海鮮愛好者不能錯過。尚未甫入餐廳，門外已率先聞到海鮮鮮甜！完全無誇張！今次㨂左肉蟹放題！真係由頭食到尾，每款海鮮都有特定蒸煮時間，店員都好熱情介紹同埋熱心幫忙。是日精選老火湯+ 溫泉蛋無估到呢度居然有老火靚湯！飲完湯食完溫泉蛋就正式開始食我既海鮮大餐啦！打頭陣的是紅棗杞子蟲草花蒸雞，不得不讚雞肉入口滑溜，帶有淡淡花雕酒味道，同埋紅棗杞子都唔少。好養生！小籠包皮薄餡靚，大小適中不在話下，仲要爆汁，唔錯！jumbo蟹柳 （每人 1條）蟹柳食得多，咁大條真係第一次食，打卡一流！跟住落嚟就到親身挑選海鮮環節，客人可以按照套餐指定的海鮮份量，到門外大魚缸撈起海鮮！夠好玩- 肉蟹（任食）重點😍蟹肉！不得不說蟹隻真的好生猛，尤其係我地挑選左幾隻大隻又肥美既，肉質鮮美之餘，入面d 蟹膏真係無得彈，蟹膏濃香而蟹肉鮮甜，兩種口感衝擊味蕾！啖啖肉食得好開心！生蠔（每人1隻）蒸完之後的生蠔尚算飽滿，完全不腥，新鮮果然係新鮮！海中蝦(每人 2隻）蝦🦐好容易剝殼，肉質唔錯，大大
尚未甫入餐廳，門外已率先聞到海鮮鮮甜！完全無誇張！今次㨂左肉蟹放題！真係由頭食到尾，每款海鮮都有特定蒸煮時間，店員都好熱情介紹同埋熱心幫忙。
是日精選老火湯+ 溫泉蛋
無估到呢度居然有老火靚湯！飲完湯食完溫泉蛋就正式開始食我既海鮮大餐啦！
打頭陣的是紅棗杞子蟲草花蒸雞，不得不讚雞肉入口滑溜，帶有淡淡花雕酒味道，同埋紅棗杞子都唔少。好養生！
小籠包
皮薄餡靚，大小適中不在話下，仲要爆汁，唔錯！
jumbo蟹柳 （每人 1條）
蟹柳食得多，咁大條真係第一次食，打卡一流！
跟住落嚟就到親身挑選海鮮環節，客人可以按照套餐指定的海鮮份量，到門外大魚缸撈起海鮮！夠好玩
- 肉蟹（任食）
重點😍蟹肉！不得不說蟹隻真的好生猛，尤其係我地挑選左幾隻大隻又肥美既，肉質鮮美之餘，入面d 蟹膏真係無得彈，蟹膏濃香而蟹肉鮮甜，兩種口感衝擊味蕾！啖啖肉食得好開心！
生蠔（每人1隻）
蒸完之後的生蠔尚算飽滿，完全不腥，新鮮果然係新鮮！
海中蝦(每人 2隻）
蝦🦐好容易剝殼，肉質唔錯，大大隻厚肉，夠爽口彈牙，蝦味濃郁。
-扇貝（每人 1隻）
每粒大大粒！原來可以出外面拎粉絲同埋蒜調味，但我覺得唔洗，因為咁先唔會浪費鮮甜。（ps 我成餐都無用醬油喔！🤤👍）
-鮑魚（每人每人1隻）
鮑魚都係保證新鮮，放入蒸爐仲係郁緊。
- 沙白（任食）
粒粒鮮甜，飽滿，新鮮果然係唔同d！蒸完之後好juicy，滿口鮮味。
-海皇粥底
呢碗粥簡直係精華！蒸煮完海鮮後，就可以打開鍋，粥底有除了有雞肉海鮮的精華外，更有南瓜在內，鮮甜不單調！
- 精美甜品
香芋西米露！老闆話，店家嚴格控制衛生同埋溫度，所以會保證甜品上臺到客人面前是凍或熱辣辣，絕不會是常溫，果然呢碗西米露入口冰涼，甜度適中，欣賞老闆既堅持！
張貼
