重慶洪鼎火鍋 (已結業)

自從上年去完成都之後冇咩再食四川火鍋，今日我決定再次挑戰四川麻辣，去左好出名既洪鼎火鍋。上坐低竟然有我超喜歡食既零食，同花生一樣香脆，仲甜甜地。洪鼎既餐具設計超體貼，兩個碗連埋一齊，一邊放食物一邊放醬汁，中間仲可以放筷子。湯底方面我地揀左正宗洪崖洞麻辣鍋。雖然叫BB辣，但不能少看後勁，會愈食愈辣。打邊爐時竹蔗水係必需的，味道唔會太甜，非常清涼，果然係自家做。盛肉拼盤包括🇪🇸黑毛豬、🇦🇺羊肉片、🇺🇸安格斯牛小排同牛板腱。$380可以食到四款高質肉，我覺得值得。五色火鍋小籠包以樓梯形式呈現，別具氣派。餐廳上菜時會俾埋一個timer你，每一粒小籠包淥4分鐘左右。我自己特別鍾意黑松露味。重慶小麵既麵條比較幼身，煮到稔身索曬麻辣汁認真一流。8秒重慶style土豆片上菜時捲到好似玫瑰花咁。手工黑豆腐豆味特別香濃。就算浸係麻辣湯底好耐，豆味都無被蓋過。豬黃喉之前未食過，食落幾爽口，菜單寫住唔係日日有，所以可以試下。白鱔片啖啖肉，肉質好嫩，浸落麻辣鍋當然更惹味。埋單兩個人食左$1100左右，重拾上年成都食麻辣火鍋既感覺，下次拾級而上。