泰金國 (已搬遷) 新店位置

每次經過九龍城都見到佢有長長嘅人龍，再喺網上面睇見到好多佢餐廳嘅好評，講到係九龍城最好食嘅泰國菜。今日經過見到只有三個人排隊，所以就試試佢～今日大概8:30左右到達，喺門口度排隊排咗大概20分鐘，喺呢20分鐘裏面餐廳一直有人埋單走。眼望見裏面有四五枱都冇人坐，但係裏面嘅餐廳職員完全由得外面嘅人排隊，都唔安排外面天寒地凍咁排緊隊嘅食客入餐廳就坐⋯有人忍唔住行入去餐廳同佢講：「裏面咁多位，外面好多人排緊隊喎！」餐廳職員回覆：「你地繼續喺出邊排隊！」O晒嘴 ！好一段時間之後，終於餐廳職員安排入座，叫咗辣肉碎炒飯，生蝦，燒牛肉，燒雞翼，燒豬頸肉，泰式炒金邊粉⋯第一樣嚟到嘅係「辣肉碎炒飯」唔知道係廚師冇味覺，定還是個廚師覺得啲食客係冇味覺！《非常非常鹹》跟住陸續上菜生蝦唔夠新鮮（但炸蝦頭的而且確唔錯）燒牛肉何其好咬口，咬極都未吞得到燒雞翼何其燶泰式炒金邊粉就唔錯，小小酸酸地幾開胃感到慶幸嘅，係燒豬頸肉冇嚟到！埋單四百幾蚊，以後唔會再嚟！！！！！態度差，食物又唔好食！