B.Duck & Buffy 德記茶樓 (已結業)

一直覺得B duck好Q好有童真，咁o岩最近見有B duck主題茶樓，賣相夠曬吸引，就來同frd約來呢度左食下點心。一出lift周圍都係黃色B duck，夠曬搶眼！角落有個位擺滿曬B duck公仔，打卡一流，連檯上都有好多B duck 擺設，而且餐具、杯杯碟碟都印滿曬B duck！除左新潮嘅B duck卡通主題，呢度嘅檯椅都採用中式木製，新潮之中保留返中式茶樓嘅傳統。我地兩個人叫左五樣野食蝦多士拼蘋果沙律最鍾意同較特別嘅一道菜，蝦多士炸得金黃香脆，香脆嘅外皮包住軟滑嘅蝦肉，而蘋果沙律嘅酸甜平衡左蝦多士嘅油膩，亦都增加左味道層次。招牌奶黃包流沙效果好突出，一咬裡面嘅香滑奶黃漿就流曬出來，口感味道都好好！蝦餃皇外皮印左B duck鴨仔，賣相好得意，裡面蝦肉都好好爽滑彈牙！！燒賣皇呢個燒賣都幾足料，味道都幾好！牛肉布拉腸粉簡單來講，呢個係腸粉版嘅乾炒牛河，炒得好夠鑊氣，味道都唔錯，而且份量都幾多，腸粉亦都令人好飽肚！