影片
更多
2020-01-07
673 瀏覽
「Hey bae uh, I know ya. Get close tonight we let it go.」正所謂去到邊食到邊，只要有好西，就有我既存在。所以就算去到西營盤老練咁遠，都要黎試一試呢間高質小店「Bingaz Street Food」。以我所知佢附屬於同區人氣高企既澳洲和牛餐廳「The Den」，以走較平價既東南亞街頭小食，例如麵食、串燒同炸物。雖然鋪頭細細，但係氣氛唔錯，深藍色木板裝飾，營造濃厚既歐洲異地風貌！👇📌Wagyu Beef Brisket Noodles - $78👉所有食物都係由佢地餐廳旗下，東南亞藉廚師即叫即做。用料講究，手工唔馬虎，呢點足以令我大讚。就好似呢碗招牌菜「澳洲和牛腩湯麵」，和牛腩肉經過12個鐘頭慢煮，肉質鮮嫩多汁，口感軟腍入味，咬落每啖牛香味出到不得了。再配合中式油麵、芥蘭、豆卜、流心蛋索哂個湯底，簡直係無得輸呀！📌Seafood Laksa - $78👉就咁睇成碗「海鮮喇沙」都覺得非常足料，流心蛋、青口、大蝦，加埋金黃色喇沙湯底，夠哂搶眼。蝦肉爽口鮮甜；青口口感煙韌，有咬口；豆卜索哂湯底，一咬猶如瀨尿牛丸咁爆哂汁，爽呀！📌BBQ Bee
正所謂去到邊食到邊，只要有好西，就有我既存在。所以就算去到西營盤老練咁遠，
都要黎試一試呢間高質小店「Bingaz Street Food」。以我所知佢附屬於同區人氣高企既
澳洲和牛餐廳「The Den」，以走較平價既東南亞街頭小食，例如麵食、串燒同炸物。
雖然鋪頭細細，但係氣氛唔錯，深藍色木板裝飾，營造濃厚既歐洲異地風貌！👇
📌Wagyu Beef Brisket Noodles - $78
👉所有食物都係由佢地餐廳旗下，東南亞藉廚師即叫即做。用料講究，手工唔馬虎，呢點足以令我大讚。
就好似呢碗招牌菜「澳洲和牛腩湯麵」，和牛腩肉經過12個鐘頭慢煮，肉質鮮嫩多汁，口感軟腍入味，
咬落每啖牛香味出到不得了。再配合中式油麵、芥蘭、豆卜、流心蛋索哂個湯底，簡直係無得輸呀！
📌Seafood Laksa - $78
👉就咁睇成碗「海鮮喇沙」都覺得非常足料，流心蛋、青口、大蝦，加埋金黃色喇沙湯底，
夠哂搶眼。蝦肉爽口鮮甜；青口口感煙韌，有咬口；豆卜索哂湯底，一咬猶如瀨尿牛丸咁爆哂汁，爽呀！
📌BBQ Beef Slider - $45
👉兩碗麵又點夠喉呢！黎多個Side dish「燒烤醬牛肉迷你漢堡」，雖然係細細舊，但份量一樣做到脹卜卜夠厚身。
裡面夾住軟熟既免治牛肉，加左BBQ醬，咬開肉汁豐富仲幾惹味。加埋新鮮生菜同蕃茄，傳統口味夠哂滿足！
📌Tom Yum Wings - $48
👉佢地既小食認真唔錯，泰式「炸冬蔭功雞翼」夠地道風味，師傅即叫即炸，新鮮滾熱辣。
雞翼本身醃左，所以比較濃味，但冬蔭功唔會太辣，岩岩好！
📌Skewers -
▪ Satay Chicken - $18
▪ Pork Neck - $18
▫ 睇住師傅一邊燒一邊流哂口水，分別試左「燒豬頸肉串」、「沙爹雞串」，佢地既串燒用
獨家醬汁醃製過，燒出黎比平時食開既更加香濃入味。而兩者質感亦都做到嫩滑多汁，唔乾身，正！
張貼
