Something Cool (已結業)

不知何時開始，葵涌廣場的精彩之處已由買衫扮靚變成掃街瘋吃。身邊朋友竟然羨慕筆者在葵芳工作，可以隨時隨地有葵廣美食。今日lunch time來到3樓的TOP世界，見到這間主打冰點甜品的「Something Cool」。最出名一定是這一個雪糕漢堡，今次試了搭配綠茶味雪糕。麵包會先熱壓處理，營造出外脆內軟的口感。和夾在裡面的雪糕同食，好有冰火交融之感。雪糕份量都多，入面尚有紅豆、花生碎等配料。不過可能麵包的熱力關係，雪糕溶化速度好快。滴到雙手都是雪糕，所幸店家有膠手套提供，但還是有點狼狽。對比起坊間同類產品，「Something Cool」出品的綿綿冰有點粘性，用羹𢳂起會見到綿綿冰連在一起。細問之下，方知過程中還加入了忌廉，難怪奶香味如此濃烈。配上士多啤梨醬，酸酸甜甜，減低膩感。士多啤梨醬更是有原粒果肉！此外，綿綿冰配料還有朱古力彩針、棉花糖、玉米片等，口感都幾豐富。