玖捌 (已結業)

店鋪環境乾淨舒服有質感，係九龍城難得一見嘅小清新嘅風格🌿 令人想坐低慢慢嘆🥰裡面燈光十足 牆身、擺設同整體色調都非常適合打卡📸 店員亦都親切有禮貌😁唔會係果種想拿拿聲交貨送客嘅感覺。細心啲嘅會留意到店內外佈滿住老虎狗嘅裝飾🦴唔知當中緣由係咩呢！🌟 格仔餅 ($52)上面灑滿糖蔥碎🥜花生醬掛杯，一入口…真係exactly格仔餅陣味(都有啲似糖不甩)😳 仲會咬到少少花生碎同椰絲！相對地口味較濃😗 飲落咸咸甜甜，到最後會有少少膩😂建議同朋友share。不得不承認 呢個價錢對於一杯嘢飲黎講確實非常進取，如果硬係要拗話攞$20直接買個格仔餅黎食 我都真係駁唔到...但呢個體驗真係驚艷到我嘅😉🌟 玄米杏霜 ($34)老實講呢杯更得我心🤫 如果話上述果杯格仔餅係吸引我黎初次拜訪嘅gimmick，呢杯會係我再次幫襯嘅理由。杏霜表面有一層濃厚嘅奶泡同脆口嘅玄米粒 味道香甜幼滑✨入口舒服甜度適中。將羅漢果糖代替普通蔗糖 熱量更低，小編唔係營養師所以都講唔出好幾多😆但就味道而言 呢杯嘢係飲得過嘅~店內仲有好多港味濃又得意嘅特飲款式，將我地熟知嘅香港🇭🇰懷舊飲食以新嘅方式呈現，係頗為難得嘅特色飲品店。值得一提