阿來客棧雞煲火鍋 (已結業)

相信雞煲大家都食過唔少次，好多時候食完半個雞煲都已經飽飽地，之後再變成火鍋，其實都食唔到太多配料，最終浪費晒😢今次誤打誤撞搵到呢間餐廳，空間感好足夠，而且食既時候，餐廳更加會拉埋窗簾，咁就唔使同隔籬枱你眼望我眼，有自己私人空間。其次，最欣賞係所有食物都有半份同一份既份量選擇，適合唔同胃口大細既人👍🏻。馳名重慶辣雞煲-半隻 微辣 ($168)半隻雞既份量都幾多，而且所有雞都好入味，肉質都好滑身之前聽講呢度既重慶辣雞煲好出名，我平時唔食辣，所以只敢叫微辣試下，但食起尼既味道連怕辣既我都接受到，嘴只係有少少麻，但好好味、好香口。特級雪花牛肉粒 ($78)大約10粒左右，煮唔洗1分鐘就食得，好夠牛味，每粒都充滿油脂，而且油脂分布平均，正👍🏻。小份 手打四寶丸 ($52)包括手打 鮮蝦丸、墨魚丸、豬肉丸&牛肉丸可能係手打關係，真係超級彈牙特別係豬肉丸&牛肉丸，兩個既豬味&牛味都好重，值得試一試。半份鴨血 ($38)食落軟嫩彈牙，而且係重慶辣湯下煮，好入味。半份珊瑚蚌 ($68)都有5大塊，而且煮完既時候，全部都好爽口，珊瑚蚌好掛汁，食起尼有雞煲既微辣味+彈牙，感覺一流。半份脆皮芝士腸 ($25)