三一餃子 (利源西街)

營業中

休息中

中環越嚟越多特別嘅餐廳，依家嚟得多呢頭就越搵越多。食量同胃口又麻麻，不如食小食餃子都好。佢有啲套餐都幾抵，兩個人份量少少可以分一份。我哋點咗餃子（煎餃另加4元）主食小食，72元。絲網春卷，好脆口，料都好足，點辣醬一流。蒜芯豬肉餃，我呢份有小小燶，但可接受。皮厚度適中，料都足，有葱蒜平衡到，肉嘅部分都平均，小小汁，未至於乾。溫泉蛋紫菜拌飯，見到有人點好吸引，自己都試下，可以揀少飯個啲，都幾好。撈埋係好食，有啲汁，唔會乾，不過一齊食就好啲，自己一個會有小小多。整體係抵食，店員算有禮貌，幫襯嘅時間係tea time，人唔多。