Amici (已結業)

好一段時間無食法國餐🍴，上星期就身痕約朋友嚟到呢間位於中環士丹利街一間上樓法國餐廳食晚飯😉。呢度雖然唔算好大，一眼睇晒，但勝在環境都幾舒服，靜靜地，加上餐廳選用嘅食材都幾高質，所以好啱放工後同朋友嚟慢慢咁食吓飯🍽，傾下計💭。 🐽西班牙依比利亞風乾火腿，溫泉蛋沙律 ($158)，餐廳用上西班牙最有名、歐洲九大傳奇食材之一嘅依比利亞火腿🐽作主打，唔怪之得佢油脂咁重、味道咁濃郁。記得食之前撈均溫泉蛋蛋汁🥚同沙律菜，咁就感覺會清新啲喇！ 🦆香煎法國鵝肝 ($168)，繼續爆膽固醇系列😅，煎過嘅鵝肝唔單止口感紮實綿密，而且入口即融，味道濃郁。雖然好正，不過一把年紀嘅阿叔膽固醇指數屬於臨畀點，都係留番多啲畀同行後生女食好了。 🦞龍蝦濃湯 ($98)，阿叔嘅私心推介👍🏾！遠遠已經聞到超香嘅龍蝦湯味道，湯嘅質感較濃稠，啖啖鮮甜🤤；另外，為增加口感，餐廳更特別喺湯中加咗粒口感彈牙嘅蝦丸，絕對有高級餐廳嘅水準！🐤燴鴨肉寛帶麵 ($158)，呢款寛帶麵質感非常厚實，但有咬口，而且彈性十足，配上惹味鴨肉，份量十足。🐏秘制煙薰新西蘭乳羊鞍 ($328) ，烤至半生熟羊鞍顏色呈粉紅色，肉質軟嫩，肉味濃郁，而且又唔