金玡居 (山頂廣場)

營業中

休息中

【中西區】【金玡居】五月去杭州做嘢識到啲杭州同事，約埋一齊行山。佢哋勁熟嗰頭，所以我都係跟吓跟吓咁，由香港大學殺上太平山山頂廣場，睇埋夜景，都好靚。跟住喺山頂搵嘢食，當時好多餐廳都已經收咗，所以決定食呢間台式餐廳就算。我哋一人叫咗啲嘢食，我叫咗個 $108 嘅「陳年花雕燉雞湯麵」，作為台灣名物，佢都算克盡己任，冇乜甩漏咁。好食就唔算，不過至少係熱辣辣一碗麵。兩位朋友係夫婦，佢哋 share 食 $98 嘅「香辣藤椒燉雞湯麵」，都話可以。另外佢哋仲食咗個 $78 嘅「欖菜肉碎四季豆」，加 $30 轉套餐，有埋白飯同飲品，都係正正常常嘅小菜。我哋另外仲叫咗個小食，係 $38 嘅「涼拌皮蛋」，味道都唔錯。不過嘢食唔算叫得複雜之下，都有落錯單嘅情況，要追。嘢飲方面，我飲 $38 嘅「黑糖珍珠奶茶」，佢哋飲 $36 嘅「金玡居奶茶」同 $38 嘅「粒粒紅豆奶茶」，質素都係比較一般。總價錢我唔知，因為張單被朋友搶咗，哈哈。然而，就算有落錯單情況，佢哋整體服務態度都好好。。。（地址：山頂山頂道118號山頂廣場1樓118號舖）#1amfoodie #foodie #thatfoodiething #h