七喜粥麵小廚

營業中

休息中

【九龍城區】【七喜麵食小館】其實我都唔知呢間嘢叫咩名，不過我淨係知土瓜灣呢個位有間七喜，咁就夠喇。就算佢叫「七喜粥麵小廚」又好，叫「七喜麵食小館」又好，對我嚟講都係同一樣嘢。而呢晚我做完嘢勁攰勁肚餓，好好胃口，怒叫咗四樣嘢食，一條友食晒，飲埋嘢，正。首先係食 $60 嘅「紅燒頂鴿」，估唔到又幾有質素，脆卜卜得嚟肉質同肉味都唔錯。跟住食 $55 嘅「酥炸鯪魚球」，一早就知佢哋鯪魚球幾好，食落果然 okay。跟住食 $80 嘅「薑蔥醬爆豬雜」，最貴反而最失望，整得唔算好好，有啲後悔叫咗呢碟。跟住用 $37 叫咗碗「鮮蝦淨雲吞」，正常水準。再大嗱嗱喑咗 $9 出嚟飲罐「可樂」，成件事先叫圓滿啲。不過就係咁樣型一型，攪到我真金白銀食咗 $241，店員見我搵散銀，直頭一蚊都唔收，$240 就叫我走。係呢啲小店先得，算係爭返啲好感。。。（地址：土瓜灣江蘇街2號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #g