影片
更多
2023-05-02
605 瀏覽
【九龍城區】【來泰巷ข้างซอย】大家見到個餐廳名就知我去咗食泰國嘢喇，不過假設嘅嘢唔好太多，間嘢係喺十八區行政劃分裡面係屬於九龍城區，但其實佢係喺土瓜灣，屯馬線土瓜灣站行出嚟冇耐就可以見到。唔好見到「九龍城」同個「泰」字，就標咗去九龍城。驚引起讀者誤會嘅指引性文字都係擺第一段好，起碼想搵九龍城泰國嘢而仆咗入嚟嘅朋友都會知間嘢係喺土瓜灣。而呢排講得多都覺得自己煩嘅，就係呢間其實都係之前諗住 explore 土瓜灣而食，但又未食到第二次嘅餐廳，寫埋唔使心掛掛。睇開我寫嘢嘅朋友都應該不止一次聽我提起過自己並唔太熱衷食越泰等東南亞菜，反而每一次嘅理由都係五花八門。今次係因為本身想食呢間隔離嗰間茶餐廳，但係佢好似有啲拒人於外咁嘅感覺，作為小毒毒有啲怕呢啲氣場，咁就入隔離呢間食。時間唔多嘅情況下叫咗個「來泰巷咖哩麵（雞）」，嘩幾香濃嘅泰式咖喱味，脆麵幾增加到口感嘅層次，件雞係一隻雞髀，所有食材同個咖喱好夾，而且隻雞髀啖啖肉。$58 嘅價錢我個人就覺得都幾抵食，冇諗過呢碗嘢咁令我滿意，難得。隨餐奉送一碗「例湯」，真係好例湯，大家諗住例湯兩個字，闔埋眼諗吓，無錯，就係嗰個味喇。跟住我係用 $20 加
驚引起讀者誤會嘅指引性文字都係擺第一段好，起碼想搵九龍城泰國嘢而仆咗入嚟嘅朋友都會知間嘢係喺土瓜灣。而呢排講得多都覺得自己煩嘅，就係呢間其實都係之前諗住 explore 土瓜灣而食，但又未食到第二次嘅餐廳，寫埋唔使心掛掛。
睇開我寫嘢嘅朋友都應該不止一次聽我提起過自己並唔太熱衷食越泰等東南亞菜，反而每一次嘅理由都係五花八門。今次係因為本身想食呢間隔離嗰間茶餐廳，但係佢好似有啲拒人於外咁嘅感覺，作為小毒毒有啲怕呢啲氣場，咁就入隔離呢間食。
時間唔多嘅情況下叫咗個「來泰巷咖哩麵（雞）」，嘩幾香濃嘅泰式咖喱味，脆麵幾增加到口感嘅層次，件雞係一隻雞髀，所有食材同個咖喱好夾，而且隻雞髀啖啖肉。$58 嘅價錢我個人就覺得都幾抵食，冇諗過呢碗嘢咁令我滿意，難得。
隨餐奉送一碗「例湯」，真係好例湯，大家諗住例湯兩個字，闔埋眼諗吓，無錯，就係嗰個味喇。跟住我係用 $20 加配咗「炸魚餅（三件）」嘅，幾惹味，不過不擅於食辣嘅我覺得都幾辣吓。我記得雖然只係得三件，但係都食得幾吃力。
餐飲方面，我加 $15 飲「粉紅飲品」，唔係 bandung 有啲失望，只係一個有甜味嘅正常梳打飲品，可能係啲特別嘢但我真係唔識。另外我再用 $48 散叫咗個「芒果糯米飯」，話就話係限量供應嘅，食落唔覺得好標青，加上芒果唔合時，冇感覺。
咁樣夾夾埋埋就食咗我 $141，初初覺得啲侍應有啲 cool 同埋有氣場，後尾問佢攞個餐牌影吓相都幾客氣，挽回咗唔少分數。不過啲嘢其實唔差嘅，本身喺我唔太喜歡泰國嘢之下都搵到驚喜係我估佢唔到嘅，我到而家都仲幾回味隻雞髀個味。。。
（地址：土瓜灣馬頭圍道372號地下5號舖）
@thealleyrestaurant_hk
#1amfoodie #foodie #hongkong #hkfoodblogger #topcitybiteshk #hkeat #thatfoodiething #instagood #love #hkigfood #1ambackup #1am0492 #globaleats #foodieman #1am九龍城區 #土瓜灣 #來泰巷 #泰國嘢 #泰國菜 #來泰巷ข้างซอย #ข้างซอย #來泰巷咖哩麵 #例湯 #炸魚餅 #粉紅飲品 #芒果糯米飯 #thaicuisine #thaifood #iknowthaihand #mypowerpowerful
23 瀏覽
0 讚好
0 留言
張貼
