舊機場車仔麵

營業中

休息中

【九龍城區】【舊機場車仔麵】平時比較少同凌霄哥食飯，之前做電台嗰陣就比較多機會，難得約到就去啲平時少啲去嘅地方。喺啟德行行吓喺地鐵站外面個大型廣場嗰頭，又有啲肚餓，就喺嗰頭搵嘢食，咁就撞咗入呢間以舊機場作為主題嘅車仔麵店。啟德機場我都去過一次，啊，老了。我哋都試 $58 嘅「四餸一麵」車仔麵，我加 $10轉蝦子撈，要撈粗麵同走辣，四個餸我要魚皮餃、炸魚腐、豬扒、清甜蘿蔔，啲食材都整得好出色，蝦子好香好足料，個蘿蔔冇渣得嚟又夠甜，嘢飲我要「健康工房竹蔗茅根海底椰」，跟餐已經有，都幾抵。而佢就要咗湯麵要「粗麵」，多蔥得嚟仲要加「自家製辣汁」多汁，配合埋柱候牛腩、五香牛肚、鴨血同加 $2 嘅雞扒，佢覺得勁好食，而且有玻璃樽裝可樂飲令佢更加滿意。我哋試埋 $28 嘅「口水雞」做小食，辣辣哋幾惹味。埋單 $172，食到咁多嘢算係咁啦。。。（地址：九龍城沐寧街8號啟德1號II地下G07號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food