茴香 (已結業)

【九龍城區】【茴香】我做 1am紅館 系列向來不遺餘力，最近好耐都見唔到女同事，令我更加寄情於工作，因為「埋首於各種工作盼令我分心」。置富都會一向好受紅館客歡迎，開 show 前往往啲餐廳都坐到爆晒，最近又有天王開演唱會，又嚟喇。之前喺 1am0993 同大家介紹過一間喺置富都會 food court 裡面嘅台灣嘢「初芋來了」，點知佢真係好快就收咗皮，同一個位換咗呢間叫「茴香」嘅餐廳，我當然要寫。佢原來主力食焗飯同薄餅嘅，咁就分兩次去食吓佢哋啦。第一次去食 $65 嘅「紅酒燴牛脷焗飯」，我不嬲都對焗飯唔算反感，但呢個就真係一個討好唔到我嘅焗飯。啲餸同汁都唔夠，白飯底就又鞋又乾，唔係炒底都唔好咁吖。加 $11 飲嘅大「泰式奶茶」就正正常常，$76 走人唔算抵。第二次食 $88 嘅「特色片皮鴨薄餅」加 $8 轉「意大利藍芝士」，加 $14 配「超級水果茶」，反而件事幾有新鮮感。雖然個皮麻麻哋，但勝在夠新。埋單價 $110 合理，「然而亦有些東西不可以變更」，都係我改變唔到嘅嘢。。。（地址：紅磡紅磡都會道6-10號置富都會8樓美食廣場FS08號舖）#1amfoodie #foodie #hk