Chiller (已結業)

【九龍城區】【Chiller】大家有睇過我之前嘅酒店 post 都知我有一晚意外地住咗土瓜灣嘅酒店，預備咗做好多嘢但係最後乜都做唔到，反而孑然一身咁去搵宵夜食。喺酒店對面有間串燒檔，一場嚟到就去會一會佢，估唔到話畀間冷氣房我坐咁好喎。食嘢喇，首先叫咗隻 $48 嘅「蒜蓉聖子王」，店家推介嘅咁我就留一隻啦。都幾新鮮嘅，一條過味道可以。之後 $32 嘅三片「脆皮三文魚腩」唔知點解冇咗張相，但我記得係三條好細嘅燒三文魚肉，唔係幾認同咁整會好食。跟住講 $15 嘅「雞腎」、$12 一串嘅「雞皮」、$24 嘅「牛脷」同 $58 嘅「法式羊架」，點解將呢四樣嘢集中嚟講因為佢哋加埋都舊零水，但係我覺得冇乜亮點，尤其係牛脷令我幾失望，個羊架都係非常普通，唔知食咗乜咁。咁成餐嚟講都有驚喜嘅，$30 嘅「雞皮雞肉卷」就係台灣嘅雞腿卷，永恒嘅愛，好食。另外 $12 嘅「流心芝士雞肉腸」都估唔到幾好食，全部嘢落 BB 辣係可接受範圍。嘢飲我飲 $12 嘅「無糖可樂」，加埋就 $243 埋單咁囉。。。（地址：土瓜灣馬頭角道50號迎豐地下18號舖）#1amfoodie #foodie #hkfoodie #tha