The Yell-Owl Seafood And Grill (已結業)

【九龍城區】【The Yell-Owl】之前有一排去女僕店，我冇報告出，又冇數字、文獻做佐證，作為一個 master 學生真係唔會亂咁話自己嘅觀察就係「研究」。用餐體驗屬於感受，個人意見、個人見解純屬觀感，只供參考，不過有人依然唔明。咁唔明咪唔明囉，反正有啲人舞咗香港人咁多年香港人都未完全醒覺，我冇呢種責任去喚醒所有人，你哋話點樣咪點樣囉。不過又唔好以為個圈個個都係咁，梗有人係正正常常，用合理思維諗嘢嘅，呢啲咪就係正常人囉。估唔到喺女僕店識到嘅朋友會直頭約埋出嚟食飯，成件事都幾癲，不過更癲嘅係嗰間嘢冇開，搞到我哋要另外搵一間。我推薦呢間之前我食過嘅，睇吓佢啱唔啱。之前我係食過呢度啲 All Day Breakfast 覺得唔錯，可以再戰。之前我係食「超級貓頭鷹全日餐」，揀咗「龍蝦半隻」，食物就仲有「蟹肉牛油果多士」、「班尼迪蛋」、「英式豬肉腸」、「大啡菇」、「扒蕃茄」、「煙肉」、「薯餅」、「沙律」、「焗豆」同「牛油粟米」嘅。嘢飲加 $10 要「鮮奶咖啡」，啲嘢食同嘢飲我覺得都係心思之作，每一樣嘢都好似好認真製作過咁，除咗個焗豆，所以我印象好好，$240 都係值得畀。之後去，我朋友食呢份