影片
更多
2023-05-06
267 瀏覽
【九龍城區】【泓一拉麵】呢排正值北京冬季奧運，咁我作為一個體育運動嘅人士，就當然搵返啲相關嘅朋友食飯敍舊。我識佢嘅時候已經係北京夏季奧運一齊做嘢，有印象都應該記得係 2008 年，講講吓原來已經識咗佢十四年，嘩。當年佢仲係一個妙齡少女，同佢 part 做嘢係有啲壓力。好記得有一次有個隔離 team 嘅男仔，問我點解識佢喎，喂大佬想我點答你，之後仲問我有冇佢電話，知都唔會話你知啦。可想而知靚女都會有壓力，同事都咁樣喎。時至今日，都十幾年，大家都係老朋友，我都係幾年前先鼓起勇氣話返畀佢聽呢單嘢。結果當然係被佢大肆譴責，話我點解要扼殺一段大好姻緣，好好笑。哎呀，唔靚仔架，唔好咁啦，至少襯唔起我眼前呢位「娘娘級」先。本身係諗住約佢去第二間嘢食，點知我去到先知嗰間嘢原來而家只做外賣，唔做堂食，所以食唔到。無可奈何之下唯有即刻搵嘢食，朋友講呢間，只係可能多人排，我就嗱嗱聲去等位。結果撞到小學嘅老師，我真係無奈咗囉。逗利是失敗之下，終於等到朋友，就啱啱好有位可以入去。都係日式拉麵小店格局，得兩排枱櫈，八個位左右。Menu 都簡潔而清晰，冇乜奇怪嘢咁。我叫咗個「背脂醬油拉麵」，$88，都唔錯，個湯都幾
當年佢仲係一個妙齡少女，同佢 part 做嘢係有啲壓力。好記得有一次有個隔離 team 嘅男仔，問我點解識佢喎，喂大佬想我點答你，之後仲問我有冇佢電話，知都唔會話你知啦。可想而知靚女都會有壓力，同事都咁樣喎。
時至今日，都十幾年，大家都係老朋友，我都係幾年前先鼓起勇氣話返畀佢聽呢單嘢。結果當然係被佢大肆譴責，話我點解要扼殺一段大好姻緣，好好笑。哎呀，唔靚仔架，唔好咁啦，至少襯唔起我眼前呢位「娘娘級」先。
本身係諗住約佢去第二間嘢食，點知我去到先知嗰間嘢原來而家只做外賣，唔做堂食，所以食唔到。無可奈何之下唯有即刻搵嘢食，朋友講呢間，只係可能多人排，我就嗱嗱聲去等位。結果撞到小學嘅老師，我真係無奈咗囉。
逗利是失敗之下，終於等到朋友，就啱啱好有位可以入去。都係日式拉麵小店格局，得兩排枱櫈，八個位左右。Menu 都簡潔而清晰，冇乜奇怪嘢咁。我叫咗個「背脂醬油拉麵」，$88，都唔錯，個湯都幾好飲，件事 okay。
朋友就叫咗個 $98 嘅「海老沾麵」，佢話味道唔錯，只係啲湯同個麵因為天氣關係凍得好快，因此有啲美中不足。另外我哋叫咗個「御好燒風味餃子」share 食，佢用咗好似章魚燒嘅方法處理，$36 算有啲特色咁，唔錯。
成張單夾埋 $222，我覺得唔算貴，環境上都理解係日式小店格局唔會話好寬敞，不過冷氣機不停滴水係要扣分。快快趣食個拉麵其實就係好食嘅，我覺得係不妨一試咁囉。今日係元宵節，放心，我都係咁樣寫，冇乜分別。。。
（地址：紅磡蕪湖街78號地下）
#1amfoodie #foodie #hkfoodie #thatfoodiething #hkfood #food #1ambackup #1am0581 #foodies #globaleats #foodpics #followforfollowback #love #eat #1am九龍城區 #黃埔 #紅磡 #何文田 #泓一拉麵 #Wonyi #Ramen #拉麵 #日式拉麵 #背脂醬油拉麵 #海老沾麵 #御好燒風味餃子 #餃子
張貼
