泓一拉麵

營業中

休息中

如果你係拉麵愛好者，你一定聽過煮干。不過响香港要食煮干風味，選擇真係唔多，就算有，口味都未必好正宗。我有去日本食過正宗煮干拉麵，然後再回想返以往响香港食過嘅煮干拉麵，我認為泓一係個較好嘅選擇。以下係食評：《煮干🐟醬油拉麵🍜》香味 (4/5) - 魚乾香味相當夠，香氣撲鼻。湯 (4/5) - 上次去泓一我係點煮干鹽味拉麵，當時稍為覺得味道太淡左D。今次煮干醬油湯就啱啱好，味道同鹹味都啱啱好。不過，魚乾嘅味我認為主要係來自個香油，底湯入面唔似係用魚乾熬煮出黎，似係正正常常嘅雞骨湯。如果以正宗煮干湯黎諗，佢未夠份量，但以香港可食到嘅煮干湯黎諗，都算幾食得過。麵條 (4/5) - 同上次碗煮干鹽味拉麵一樣，都係用左加水率 38% 嘅高加水麵，啜麵時非常滑順，配醬油湯我認為比配鹽湯更為合適。配料 (4/5) - 白蔥上面有兩條魚乾仔，都係意思意思，視覺效果多於對味道上有貢獻。反而我想講講d白蔥，佢係切絲唔係切片，而切絲係遠比切片更加花時間，我親眼👁️睇住個廚一刀一刀切，睇得出又食得出係有心機。豬叉燒方面，調味比上次加重左d，黑椒嘅味道濃郁左，加上肉味都係更濃，又相當大塊，我認為好正。雞叉燒方面，雞

如果你係拉麵愛好者，《泓一拉麵》呢個名應該一定聽過。本店响紅磡，而我今次去呢間店係佢第一間分店，响太子。紅磡店我一早有幫襯過，當時感覺其實係麻麻地，不過因為好多人都不斷話太子分店好食，我又不妨試多次啦！未開始寫食評之前，先講吓，呢間店非常專業，識得用唔同加水率嘅麵去配合唔同嘅味型，加左分先啦。《煮干🐟鹽味拉麵🍜》香味 (4/5) - 香味充足，第一陣味係魚干嘅味道，如果喜歡魚干應該會鍾意呢陣味。湯 (4/5) - 色澤係最靚嘅琥珀色，味道一飲落去，魚干味相當夠。煮干拉麵本身响香港係相當少，而且配鹽口味更加係少上加少。佢嘅味道主軸係魚干味，籠統d講就係鹹魚嘅鹹鮮味，鍾唔鍾意就見仁見智，反正我係鍾意嘅。鮮度雖然夠，不過鹹度我認為稍稍不足，連我呢個淡麗風味愛好者都認為未夠，但因為香味同魚味都相當出色，所以4分我認為都合理。麵條 (3.5/5) - 好似上面幅圖咁講，佢用嘅係高加水麵。高加水麵嘅特性係滑溜，不過吸湯能力比低加水麵係低，口感正正似車仔麵d油麵咁。個麵小麥味算夠，又夠滑，配合埋個湯都 OK，但我認為低加水麵可能會更好。配料 (3/5) - 豬叉燒方面，都係最熱門嘅豬肩肉，薄切，肉味

呢日同朋友一齊嚟咗排隊店🤭 bookmark咗好耐！終於有機會啦😆店面好細，只有七個位，我哋到嘅時候出面排住差唔多10個人，等咗接近一個鐘。如果冇人一齊排住傾偈我一定唔會嚟。🤣入去揀咗雞白湯拉麵，再加咗個餃子。成間店嘅感覺好日式，係bar台咁，睇住師傅整嘢食。😙雞白湯佢係會打到好Creamy ，麵質呢係有啲咬口唔會太軟，流心蛋也好好吃。至於餃子佢有兩款我哋揀咗普通嘅日式餃子，餃子皮薄但又不會未食就穿，都唔錯😚整體嚟講都幾好食，如果唔使排咁耐佢咁就Perfect啦😆😆

次次經過泓一都大排長龍，但可能熱情推卻了一點，所以總算排隊唔使咁耐！今次係留定肚嚟食，所以一次過嗌了兩款人氣拉麵。第一碗當然係雞白湯拉麵，師傅用打泡機在白雞湯上打泡，在湯面上形成了一層厚厚的泡沫，繼而增加白湯的口感，飲得出濃濃的雞湯味，另外配搭了雞肉叉燒，同埋啲筍，相當唔錯！最難得嘅係隻溫泉蛋，比其他拉麵店的溫泉蛋更加入味，證明佢哋浸咗比較耐，我就鍾意呢種味道。整體而言十分配合。跟住第二碗就係背脂醬油拉麵，其實我覺得呢個比雞白湯更加出色，首先食得出陣陣的醬香，比普通原味湯麵有一浸濃濃的香味，層次更加豐富！另外雖然在湯裏加上背脂，但係飲落去完全唔飲唔到肥膩嘅感覺，反而好清新！所以我好鍾意佢！加上薄薄嘅叉燒同埋溫泉蛋，真係冇得頂！

小店內位置不多，門口經常大排長龍，就算我5時半到達，亦等候了差不多45分鐘才能進內。———————————————————————點了最受歡迎的雞白湯拉麵。賣相十分特別，表面佈滿了由雞湯打成的泡泡，湯頭十分濃郁！每一口都有雞味湧出，而家質地偏稠有膠質，喝得出湯底絕對是真材實料，用心熬整而成。配料方面有兩塊豬叉燒，兩塊雞叉燒。豬肥瘦均勻，肉質鬆化但略嫌太薄；雞較厚，口感亦軟腍，但未有驚喜，與豬叉燒一樣只屬正常。蛋是醬油流心蛋，醬油入味，流心效果出色。

本來未好少寫食評 因為公司係黃埔 有時lunch都會去幫襯下連續食2次 2次食完都肚痛+肚痾第一次個陣 以為係自己早餐/前一晚唔知食左咩，今日再俾多次機會佢，食完都係肚痛。所以好肯定係關佢事唔知係佢d肉生定係太污糟雖然味道係幾好食嘅 不過應該冇下一次

紅日6點半嚟到，有大約10個人排緊，店入面好細，只有8個位左右，排左半個鐘左右。呢日嘅辣醬油拉麵同餃子都賣晒，冇得試餃子添。如果有餃子，可以優惠價加日式餃子，大阪燒風餃子就冇得優惠價。雞白湯拉麵 $98筍唔苦，洋蔥幾辣雞白湯好香滑，但可以再濃味啲，比較淡雞白好嫩滑但比較薄同細塊慢煮叉燒唔鞋亦唔肥，幾嫩溏心蛋岩岩好鰹魚拉麵 $88好香濃嘅鰹魚味，啲鰹魚絲好香湯底清清地飲落都唔會膩，但都好香魚味拉麵口感幾好，唔會太淋唔洗加一服務費，幾抵，凍水放喺面前任斟。

屋企附近又一間長期排隊的拉面店，見今天人不多，排了不到五分鐘就決定試一試。跟著某黃色飯app熱門, 老婆點的雞白湯拉面，我就叫了背脂醬油拉面。風格上較一般香港的拉面店稍鹹一點，但未到日本的那種鹹。雞白湯嚴格來說不是雞白湯，應該還是豬骨油脂湯底，加上雞肉雞骨去煲。疫情期間看x熟x食的utube自己煮過純雞白湯，雞肉雞骨雞腳壓力煲再blender打碎，那種雞味會濃很多，也不難做，大家可以試下，只是小心blender我打了兩次雞骨就壞了。細節位置葱用上大葱還是挺香的，蛋滷得入味，豬肉片也很嫰。拉面不是純白的，有點像蕎麥面但不是蕎麥面，泡了一陣還是爽口的。整體是水準之上，性價比比一蘭高，但如果要排隊的話我還是不會排的。排得那半小時，附近蒙面甚至要排更久，我看著就覺得辛苦。

—🥟 日式餃子•🍜 特製醬油拉麵—呢間成日經過都大排長龍店內位置不多 同一時間都係做8位聽聞醬油湯底同雞白湯係最出名今次就試左醬油係一個很清澈淡雅的醬油湯底 可能食完日本飯田拉麵的杯麵 比較喜歡濃郁層次感豐富的醬油湯底☺️但一讚是泓一的拉麵很香麥味 口感彈牙今次就算特登平日食少少黎6-7點都要排長龍喔🥹🥹🥹不過相對weekend已經算等得吾耐around 20分鐘😂😂😂大家如果想試就揀好時間來😊

泓一係我既愛店之一，之前食過幾次都冇事，覺得好好食。最近一段時間冇食就想食返餐，星期五晚即使要排長龍都要排隊去食佢。當日我就食咗碗沾麵，味道上覺得好好食，只係覺得啲肉口感比較生，但因為知道餐廳係以慢煮烹調，都對餐廳有信心，所以我當時冇太大憂慮。星期五晚食完拉麵，當晚就開始感到嘔心同肚瀉。到第二朝就肚瀉多次，星期六、日連續兩日發高燒到39度，到星期一依然嘔黃膽水及發燒。之後幾天都有肚瀉情況，直到今天星期五，已經事隔一星期，肚瀉情況仍然持續中🥲冇人會諗到只係食一餐晚餐，會經歷一場大病，食極西藥都好唔返，要睇埋中醫調理，又返唔到工，醫藥費都唔少🥲事後睇返當日既拉麵相，發現叉燒中間位置係非常生，完全未煮熟😣希望餐廳真係注意食物安全問題，特別係要審視返肉類處理上存在既風險，冇人希望滿心歡喜食完晚餐然後會病足一星期🙏🏼

雞白湯關注組 濃厚雞白湯拉麵 🐔🐔🐔 咯咯咯📍紅磡 黃埔🪧泓一拉麵-自從上次東京食完超濃雞白湯之後 一直心思思好想食番 飛唔到日本食 就係香港搵下有無好食既雞白湯試試佢！ 今次搵到位於紅磡區呢間拉麵店 最出名就係招牌雞白湯拉麵 🐔 長期店外勁多人排隊 店內得7個位置左右 都坐得幾迫！今次等左大約35分鐘左右 建議一放工就要即刻飛去排隊！18:15左右去到已經大排長龍-🐔雞白湯拉麵 $98湯：面頭全部都係用攬拌機打起既雞湯泡泡 飲落係有少許雞脂味 都算幾Creamy 但未去到話好濃厚既感覺 有少許比鹹味蓋過左 感覺雞味熬得唔夠濃配料：有叉燒&雞肉 前者係普通煙燻叉燒肉 味道正正常常 未到太驚喜 隻蛋係MVP 超濃蛋香味 超流心 好耐無係香港食到咁好食既拉麵蛋😹麵：佢地係有部製麵機 自家製作麵條 麵質係偏向爽口 有嚼勁 掛湯方面感覺還好一般 都要一淡湯+一住麵咁食先會好味d-🍜特製醬油拉麵 $82佢個湯底係好香日式醬油味 好易入口 又唔太膩 都唔會太鹹，我覺得係幾出色既 但未到好特出好驚喜咁！-食物: 3.5/5價錢: 3.5/5環境: 3/5-💬總結：食物味道 不過不失 還不錯的 但

早幾日同朋友食泓一，排隊嘅時候已經聞到浸臭味，應該係出邊條渠傳出嚟，不過都諗住入到店就冇事啦，點知係惡夢嘅開始⋯⋯排咗一個鐘左右終於入到店，店入面大概只有七個位，我哋分別點咗醬油拉麵同蝦湯沾麵，每碗麵都配有叉燒、雞肉、糖心蛋。當時覺得個糖心蛋好入味，好好食。但結果當晚已經有嘔同肚痾，第二日就開始發燒，仲屙咗三日。而朋友當晚都肚痾，當日大家就只係有一齊去泓一食，所以都推斷係食泓一出事，之後諗返起個叉燒咬落似未熟，真係一個買難受嘅經歷

一直好想試試呢間拉麵店🍜每次經過都見到有人排隊，似乎人氣不滅。店舖大約有七個位，喺平日嘅lunch hour都排咗半個鐘，食完都覺得值得一試嘅～係香港嘅拉麵界黎講，性價比算幾高😎ꞋꞌꞋꞌꞋꞌଘ 雞白湯拉麵 $98 ▸ 7/10呢碗係佢地嘅招牌拉麵🐓 但冇好驚艷 不過不失拉麵表面有一層奶白色泡泡 口感creamy得黎唔會過稠 夠順滑洋蔥碎令湯底更清新 唔會膩味道尚算清甜🌿 但略嫌雞味唔夠出但對於重口味人士黎講可能過望清淡🫣..麵體係偏幼身嘅小麥曲麵係自家製作嘅 帶有微微麥香🌾有嚼勁 掛湯能力就一般 ..豚叉燒油脂較少唔夠香經過低溫烹煮 肉質夠軟嫩 至於雞叉燒肉質就少柴半熟蛋 流心效果剛剛好但叉燒同蛋都係冇乜調味 略嫌淡口🥲ଘ 背脂醬油拉麵 $88 ▸ 7.5/10呢個湯底比較啱重口味人士食表層滿滿細膩嘅背脂 睇都覺得邪惡😈背脂令湯底變得極濃郁香醇食麵時口感亦更添滑嫩感小編飲咗唔少湯 食完真係會比較膩🤣呢碗同樣配溏心蛋 豬及雞叉燒各一背脂拉麵係香港唔算普遍🧐可以一試！ℹ️另外research完發現背脂原來係位於豬背部嘅脂肪相較於內臟脂肪比較乾淨同冇豬臊味𝘙𝘦𝘷𝘪𝘴𝘪𝘵: 𝘮𝘢𝘺𝘣𝘦𝘙𝘦𝘴𝘦𝘳

琴晚食完拉麵，我當晚肚痛痾咗3次，我老公都痾。我同老公都覺得唔值得排隊，我地排咗半個鐘左右，我地分別叫咗雞白湯同背脂果個拉麵，開頭無肚痛都覺得真係食一次就夠，點知番去就肚痛同肚痾，我地都懷疑係食咗拉麵先肚痾。我即刻上openrice睇，完來之前都有人食完唔舒服不過都已經係2023年，但我都係想提示番間鋪，真係唔該做好衛生，難得星期六仲要排隊專登黎食，真係一肚氣。真係可一不可再。大家敬請留意啦，搵命博。

專登出紅磡食泓一星期五大約1:30左右到門口都有小人龍，但只係排到隔離鋪邊邊位唔算多人，約4-5人係前面等候時間都比想像中快差不多15-20分鐘就入座*雞白湯拉麵 湯底濃厚，黏口，雞味唔算好出，不過偏重口味，對本人黎講就咸左啲有雞肉 叉燒 溏心蛋拉麵重麥味 👍🏻算掛湯紫洋蔥好生，食得多好辣，有點減分溏心蛋 太過溏心，小小蛋白位都未熟以前第一次食覺得好好食 驚為天人事隔幾年再黎食感覺無第一次咁好食*背脂醬油拉麵原本以為醬油會比雞白湯重口味點知無雞白湯咁咸（雖然飲多兩啖湯都係咸，但係雞白湯第一啖已經咸咁誇張）背脂足夠 但唔算好香一樣有雞肉 叉燒 溏心蛋同雞白湯分別在少左紫洋蔥，轉左普通綠色蔥*兩者其實好食嘅，拉麵夠熱不過覺得好似無以前咁好食希望溏心蛋控制好啲，應該只有蛋黃流心，蛋白位會全熟