Burger's Friend Forever (嘉峯匯)

營業中

休息中

【九龍城區】【BFF】呢間嘢其實我好早已經聽過，好多 foodie 都有介紹，我都幾有興趣。而經過佢哋將軍澳店三次都係冇機會入去幫襯，我唔係唔想食佢，而係次次都係食咗嘢先經過，個胃再大都要講求個胃口，所以都係喺個 to do list 度咋。收到風佢開分店而且喺二月試業，係呀，講緊呢件事係喺大半年前架喇。而最慘嘅係我都要拖到四月先有時間食佢，希望大家理解。而佢個餐廳名 BFF 個 B 就唔係 Best，而係 Burger's，所以全名係Burger's Friend Forever。入到去叫個「鵝肝安格斯漢堡」，價錢係 $148，雖然話有鵝肝，但係食個 burger 成百五蚊就硬係有啲心有不甘咁。上菜，見到真係成塊鵝肝咁喺個漢堡包度，算啦。食落，個安格斯牛肉勁正，配埋芝士，其實個價係唔過份。個包加錢可以加配套餐，做套餐就可以有小食同罐裝汽水，有 $25 同 $33 嘅選擇，我加嘅「一口芝士」係屬於後者。佢都幾好食，炸得啱啱好，外脆內軟，而芝士味都好濃，係唔錯嘅小食，同平時淨係食薯條或者薯角唔同。飲品我就揀咗罐裝「無糖可口可樂」，始終食漢堡包加啲炸物係要啲碳酸飲料做個點綴先過癮。最後埋單