影片
更多
2023-10-17
17 瀏覽
平時因為佐敦多錶位，有時都會走去果邊食飯，今次竟然比我發挖到呢間新開嘅寶藏餐廳$450一位就可以食到Omakase Dinner。———————————————🌟前菜先係有飛魚子沙律作為前菜，飛魚子海水味都幾濃郁帶有獨得嘅咸味，入面除咗有蕃茄仔同沙律菜，仲有海帶同水母，水母個口感其實好似海蜇，每樣野食落都可以稱之為爽口，但食落其實係唔同嘅口感，感覺好豐富。.🌟刺身刺身一共有六款，由左至右食，先係北海道仙鳳趾，唔算話好大隻，但我個人覺得呢個大細啱啱好，上面仲有青瓜醋啫喱同蔥，酸酸甜甜更帶出蠔嘅鮮甜味。厚切油甘魚咬落真係冇得頂，帶子本身同檸檬放埋一齊，奇落鮮甜再帶少少檸檬香。跟住係彷彿魚片包海膽再加日本溫室芽蔥，上面仲加有少少類似飯素，食落海膽甜味最出，最後再帶有少少香蔥味。最後係青瓜包松葉蟹肉連膏，味道非常濃郁青瓜就啱啱好起返中和作用。.🌟茶碗蒸一打開就已經聞到好香嘅黑松露味，蛋好滑身，入面仲有鮑魚、帶子同蟹肉，用料非常高級，每啖入口都充滿鮮味。.🌟壽司壽司一共有十貫，中間食得最多就係拖羅，有中拖羅、大拖羅跟住仲有燒拖羅，全部都好肥美，特別係燒拖羅將魚油逼出嚟入口即溶。.有幾款壽司都值得
———————————————
🌟前菜
先係有飛魚子沙律作為前菜，飛魚子海水味都幾濃郁帶有獨得嘅咸味，入面除咗有蕃茄仔同沙律菜，仲有海帶同水母，水母個口感其實好似海蜇，每樣野食落都可以稱之為爽口，但食落其實係唔同嘅口感，感覺好豐富。
.
🌟刺身
刺身一共有六款，由左至右食，先係北海道仙鳳趾，唔算話好大隻，但我個人覺得呢個大細啱啱好，上面仲有青瓜醋啫喱同蔥，酸酸甜甜更帶出蠔嘅鮮甜味。厚切油甘魚咬落真係冇得頂，帶子本身同檸檬放埋一齊，奇落鮮甜再帶少少檸檬香。跟住係彷彿魚片包海膽再加日本溫室芽蔥，上面仲加有少少類似飯素，食落海膽甜味最出，最後再帶有少少香蔥味。最後係青瓜包松葉蟹肉連膏，味道非常濃郁青瓜就啱啱好起返中和作用。
.
🌟茶碗蒸
一打開就已經聞到好香嘅黑松露味，蛋好滑身，入面仲有鮑魚、帶子同蟹肉，用料非常高級，每啖入口都充滿鮮味。
.
🌟壽司
壽司一共有十貫，中間食得最多就係拖羅，有中拖羅、大拖羅跟住仲有燒拖羅，全部都好肥美，特別係燒拖羅將魚油逼出嚟入口即溶。
.
有幾款壽司都值得同大家再推介下，有款係大荳子菜包赤蝦非常特別，赤蝦加咗蝦豉油味道更濃，不過略嫌咸咗少少蓋過咗本身解味。
.
筋子壽司都係一款令人有驚喜嘅，筋子係指冇去除卵巢薄膜嘅三文魚卵，餐廳事前已經用自家製醬汁醃製過，食落口好甜同時帶有酒香，咬落去果種爆汁感覺真係好正。
.
最後想推介果款就係好似cupcake果款，大家一定冇諗過佢係連紙都食得，張紙係一種叫磯之雪嘅昆布，入面包住有拖羅、海膽、三文魚子再加蔥同紫菜，成舊放入口味道真係令人回味無窮。
.
🌟甜品
甜品分別可以選擇芝麻、芝士同綠茶雪糕，特別推薦芝士味，食落好濃郁，雖然係甜芝士但又唔係cream cheese果種，非常值得嘗試！
.
🔸整體評價🔸
性價比真係極高啊😍點會諗到呢個價錢都可以到咁高質嘅Omakase，基本上可以話係100%回頭率!!大家如果有需要泊車仲可以事前打電話講聲，餐廳仲會教你泊邊好🤭
張貼
