影片
更多
2024-08-24
1483 瀏覽
小編每次去日本都會幫襯松屋做宵夜，因為小編幾鍾意飲佢哋嘅豬肉味噌湯，亦好鍾意佢哋坐吧枱，圍住店圓坐，睇住佢整嘢食嗰個情景。咁話說香港都開咗第一間松屋 @matsuyafoods.hk ，人多就預咗，但實際上要排幾耐？小編就幫你試咗！如果喺平日夜晚19:40排，人龍大概分成三條，大概要20:21 先入得，足足40分鐘！燒牛五花定食（ 雙倍肉量）＋豬肉味噌湯 $94＋$15牛五花會比一般牛肉肥位多啲，燒牛五花其實係以煎炒嘅方式烹飪，所以明顯會見到有少少燶位，食落油香會比較突出。但佢又未至於煎到好乾，會保有一定肉汁。另外佢會附上蔥同蘿蔔蓉，食嘅方法可以好多變，例如蘿蔔蓉加柚子醋，會更加清新，但問題出現在蘿蔔蓉係凍嘅，多少會影響牛肉溫度。所以小編鍾意蔥花、燒肉汁加七味粉，味道更濃郁惹味。豬肉味噌湯同日本一樣咁足料，但飲落感覺冇日本咁鹹，小編反而幾欣賞，推薦大家可以加～味道：7.6/10香蔥溫泉蛋牛肉飯（L）＋油菜飲品套餐 $63＋$23小編喺日本都係食呢一款，大量蔥花再加溫泉蛋蛋汁，蛋汁可以令成個飯更加濕潤豐厚，蔥可以提供一個爽口清新嘅味道同口感，兩個夾埋冇可能難食。值得讚一讚佢嘅白飯，選用秋
小編每次去日本都會幫襯松屋做宵夜，因為小編幾鍾意飲佢哋嘅豬肉味噌湯，亦好鍾意佢哋坐吧枱，圍住店圓坐，睇住佢整嘢食嗰個情景。咁話說香港都開咗第一間松屋 @matsuyafoods.hk ，人多就預咗，但實際上要排幾耐？小編就幫你試咗！如果喺平日夜晚19:40排，人龍大概分成三條，大概要20:21 先入得，足足40分鐘！
燒牛五花定食（ 雙倍肉量）＋豬肉味噌湯 $94＋$15
牛五花會比一般牛肉肥位多啲，燒牛五花其實係以煎炒嘅方式烹飪，所以明顯會見到有少少燶位，食落油香會比較突出。但佢又未至於煎到好乾，會保有一定肉汁。另外佢會附上蔥同蘿蔔蓉，食嘅方法可以好多變，例如蘿蔔蓉加柚子醋，會更加清新，但問題出現在蘿蔔蓉係凍嘅，多少會影響牛肉溫度。所以小編鍾意蔥花、燒肉汁加七味粉，味道更濃郁惹味。
豬肉味噌湯同日本一樣咁足料，但飲落感覺冇日本咁鹹，小編反而幾欣賞，推薦大家可以加～
味道：7.6/10
香蔥溫泉蛋牛肉飯（L）＋油菜飲品套餐 $63＋$23
小編喺日本都係食呢一款，大量蔥花再加溫泉蛋蛋汁，蛋汁可以令成個飯更加濕潤豐厚，蔥可以提供一個爽口清新嘅味道同口感，兩個夾埋冇可能難食。值得讚一讚佢嘅白飯，選用秋田縣小町米，有米香，軟硬度啱啱好。
呢度有比較少見嘅油菜， 味道就普普通通，但有啲菜食吓都唔錯。
味道：7.7/10
整體小編都覺得幾貼近日本味道，但要等40分鐘就真係算了。 希望佢開多啲分散人流啦。
抵食：7.5/10
環境：7.6/10
服務：7.5/10
松屋 (佐敦)
佐敦彌敦道219號莊士倫敦廣場地下G06-09號舖
#hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #tsimshatsui #tsimshatsuifood #japanfood #尖沙咀 #尖沙咁美食 #佐敦 #佐敦美食 #丼 #丼物 #牛肉飯 #過江龍 #排隊名店 #快餐店 #日本料理 #松屋 #牛丼 #rice #gyudon #donburi #matsuya
張貼
