影片
更多
2020-10-03
5250 瀏覽
早在一個月前book好左，同朋友一試鮨文既Lunch Omakase🍣午市有分兩個時段，我地食1:45pm既時段，前一日餐廳會final confirm客人booking，同埋有埋唔食，十分細心💓Omakase lunch set 有幾個選擇，最後我地揀左$500既set🤗包左茶碗蒸、12件壽司、手卷、湯同甜品🍣白飯魚茶碗蒸茶碗蒸用料豐富，有元貝、瑤柱、本菇等，水同蛋既比例恰到好處，面層舖上白飯魚，口感十足🍣12件壽司壽司按味道由淡至濃逐件上，不時不食😋真鯛：加左柚子碎，魚既質感黏口清香👍🏻網燒深海池魚：加左鹽麴調味，味道更出，肉質緊實爽口真池：又名黃金池，魚味濃油份輕秋刀魚：屬秋節時分當造既魚穫，魚油甘香豐腴甜蝦：肥美既甜蝦加上自家製柚子酸汁啫喱，味道清新，蝦肉新鮮爽口醋漬小肌：一條好細既魚，上面加左白板昆布，即係昆布中間個塊，醋漬過後令肉質更鮮嫩帆立貝軍艦：切粒帆立貝軍艦配上明太子，明太子嘅鹹香令帆立貝嘅鮮味更突出赤身：醬油漬既赤身醃左10分鐘令肉質會軟左，嫩滑甘甜吞拿魚面頰肉：炙燒過後油脂味香，加左生蒜鼓油既味道更豐富三文魚子醬油漬軍艦：經過自家製醬油漬，口感彈牙鮮甜又唔會死鹹馬
🍣白飯魚茶碗蒸
茶碗蒸用料豐富，有元貝、瑤柱、本菇等，水同蛋既比例恰到好處，面層舖上白飯魚，口感十足
🍣12件壽司
壽司按味道由淡至濃逐件上，不時不食😋
真鯛：加左柚子碎，魚既質感黏口清香👍🏻
網燒深海池魚：加左鹽麴調味，味道更出，肉質緊實爽口
真池：又名黃金池，魚味濃油份輕
秋刀魚：屬秋節時分當造既魚穫，魚油甘香豐腴
甜蝦：肥美既甜蝦加上自家製柚子酸汁啫喱，味道清新，蝦肉新鮮爽口
醋漬小肌：一條好細既魚，上面加左白板昆布，即係昆布中間個塊，醋漬過後令肉質更鮮嫩
帆立貝軍艦：切粒帆立貝軍艦配上明太子，明太子嘅鹹香令帆立貝嘅鮮味更突出
赤身：醬油漬既赤身醃左10分鐘令肉質會軟左，嫩滑甘甜
吞拿魚面頰肉：炙燒過後油脂味香，加左生蒜鼓油既味道更豐富
三文魚子醬油漬軍艦：經過自家製醬油漬，口感彈牙鮮甜又唔會死鹹
馬糞海膽軍艦：見到師傅一堆堆海膽放上，放入口係滿滿既幸福感🥰
海鰻：肉質比普通鰻魚軟身，配上醬汁十分順口軟滑
🍣魚湯
食完以上壽司之後，師傅會呈上一碗十分清淡既魚湯，有清清味蕾既作用
🍣胡蘿乾汁煮鰈魚手卷
鰈魚肉身比較削，適合做手卷，係一種重油脂既魚，好滿足🤤
🍣豆腐雪糕
最後甜品係雪糕，有芝麻、柚子同豆腐口味，豆腐雪糕軟滑而豆香味濃，底下有餅碎點䮕，係完美作結😋
張貼
