影片
更多
2021-09-12
14 瀏覽
🚶🏻由荃灣西行過去會近啲～位置好易揾！環境：入面都有幾多個位，而且一行到門口已經覺得好bright 好健康。食物：🟠I. Giant’s Bowl 夏威夷四重奏 — 沾烏冬底 $110呢個唔係第一次試，通常嚟都會食呢個配搭。四重奏係指辣味三文魚、經典吞拿魚、泰式酸辣大蝦、牛油果。自己覺得最加分嘅位置係沾烏冬底同泰式酸辣大蝦，以為咁多樣唔同風格嘅食物加埋一齊一定會好奇怪，其實係超級好味。呢個配搭係連埋彩虹組合（顏色非常豐富嘅蔬菜），為成碗嘢帶嚟豐富嘅色彩。評分： 🌕🌕🌕🌕🌕回頭率：🌕🌕🌕🌕🌗🟠K. Spicy Couple — 黃姜椰菜花＋半糙米飯 $86椰菜花飯有幾健康就大家都知！就算啲飯係黃色，黃姜味都唔會勁到食唔到，半糙米飯有好豐富嘅fibre 同營養，每一啖都好有咬口，不過飯本身就會乾身啲，個人覺得配沾烏冬會夾啲。呢碗嘅配搭係煙薰辣味雙拼（三文魚、吞拿魚）配泡菜組合。再一次，以為會好唔夾，點知兩種魚生同泡菜係咁夾。而且魚生嘅份量都幾多，一啖飯配一舊魚生都好夠。評分： 🌕🌕🌕🌕🌑回頭率：🌕🌕🌕🌗🌑⚪️+25 Upgrade Meal It加餐包埋一枝嘢飲、一個是日甜品、一碗湯，份量超
🚶🏻由荃灣西行過去會近啲～位置好易揾！
環境：入面都有幾多個位，而且一行到門口已經覺得好bright 好健康。
食物：
🟠I. Giant’s Bowl 夏威夷四重奏 — 沾烏冬底 $110
呢個唔係第一次試，通常嚟都會食呢個配搭。四重奏係指辣味三文魚、經典吞拿魚、泰式酸辣大蝦、牛油果。自己覺得最加分嘅位置係沾烏冬底同泰式酸辣大蝦，以為咁多樣唔同風格嘅食物加埋一齊一定會好奇怪，其實係超級好味。呢個配搭係連埋彩虹組合（顏色非常豐富嘅蔬菜），為成碗嘢帶嚟豐富嘅色彩。
評分： 🌕🌕🌕🌕🌕
回頭率：🌕🌕🌕🌕🌗
🟠K. Spicy Couple — 黃姜椰菜花＋半糙米飯 $86
椰菜花飯有幾健康就大家都知！就算啲飯係黃色，黃姜味都唔會勁到食唔到，半糙米飯有好豐富嘅fibre 同營養，每一啖都好有咬口，不過飯本身就會乾身啲，個人覺得配沾烏冬會夾啲。呢碗嘅配搭係煙薰辣味雙拼（三文魚、吞拿魚）配泡菜組合。再一次，以為會好唔夾，點知兩種魚生同泡菜係咁夾。而且魚生嘅份量都幾多，一啖飯配一舊魚生都好夠。
評分： 🌕🌕🌕🌕🌑
回頭率：🌕🌕🌕🌗🌑
⚪️+25 Upgrade Meal It
加餐包埋一枝嘢飲、一個是日甜品、一碗湯，份量超級夠同抵。
評分： 🌕🌕🌕🌕🌗
回頭率：🌕🌕🌕🌕🌗
P.S. 除咗餐外，亦可以自由配搭，自由度非常高。
同埋員工超級熱情有耐性，會逐個逐個解釋，欣賞！
——————————
👭🏻人數：2
💵總金額：$241
🍽份量：超級飽，細食女仔建議少飯
⏱到達時間：630pm
⏳等候時間：0mins
——————————
張貼
