影片
更多
2022-12-14
85 瀏覽
朋友一直叫去試呢間嘢，因為見到有任食沙律吧，同埋價錢都唔貴。咁啱有個朋友就嚟出國，就約去一齊食，順便傾吓計。環境🌝🌝🌝🌝🌚要行一層樓梯到達，但入面好多位，我哋12點到，就算到1點lunch hour 都唔會好迫。有二人卡位，如果兩個人嚟Long chat都幾舒服( ´ ▽ ` )ﾉ🍽️ 沙律吧🌝🌝🌝🌜🌚沙律菜種類唔多，但基本嘅都有，仲有羽衣甘藍🤩醬料就有千島、和風同意式，個人幾鐘意和風，少少鹹少少酸幾惹味。除咗沙律菜，仲有個薯仔沙律，正常發揮，男士食唔飽可以啪到飽😂仲有不得不提佢有牛角包🥐都係任食(*♡д♡*) 幸運的話仲有機會新鮮出爐！我覺得幾有誠意😂.🍽️ 菠菜芝士意大利餛飩配黑松露忌廉汁（$118）🌝🌝🌝🌝🌚呢個幾有驚喜，一嚟到嘅時候見佢細細碟都驚唔夠飽，但係一口一舊，慢慢食都幾漏幾飽😂無咩菠菜味，但掛黑松露忌廉汁但唔會好咸。性價比幾高，下次嚟我都會嗌呢個。.🍽️ 炭燒紐西蘭西冷牛扒🌝🌝🌝🌜🌚我朋友叫咗七成熟，一嚟到又係覺得好細份😂炭燒紋路勁深，食落都有炭燒味(๑•̀ㅂ•́)b 肉質其實很不錯，不過始終七成就柴口D，係我朋友嘅錯，下次可以叫五成試吓。薯蓉底都好好食，食晒係夠飽的😂.🍽️ 車打
環境🌝🌝🌝🌝🌚
要行一層樓梯到達，但入面好多位，我哋12點到，就算到1點lunch hour 都唔會好迫。有二人卡位，如果兩個人嚟Long chat都幾舒服( ´ ▽ ` )ﾉ
🍽️ 沙律吧🌝🌝🌝🌜🌚
沙律菜種類唔多，但基本嘅都有，仲有羽衣甘藍🤩醬料就有千島、和風同意式，個人幾鐘意和風，少少鹹少少酸幾惹味。除咗沙律菜，仲有個薯仔沙律，正常發揮，男士食唔飽可以啪到飽😂
仲有不得不提佢有牛角包🥐都係任食(*♡д♡*) 幸運的話仲有機會新鮮出爐！我覺得幾有誠意😂
.
🍽️ 菠菜芝士意大利餛飩配黑松露忌廉汁（$118）🌝🌝🌝🌝🌚
呢個幾有驚喜，一嚟到嘅時候見佢細細碟都驚唔夠飽，但係一口一舊，慢慢食都幾漏幾飽😂無咩菠菜味，但掛黑松露忌廉汁但唔會好咸。性價比幾高，下次嚟我都會嗌呢個。
.
🍽️ 炭燒紐西蘭西冷牛扒🌝🌝🌝🌜🌚
我朋友叫咗七成熟，一嚟到又係覺得好細份😂炭燒紋路勁深，食落都有炭燒味(๑•̀ㅂ•́)b 肉質其實很不錯，不過始終七成就柴口D，係我朋友嘅錯，下次可以叫五成試吓。薯蓉底都好好食，食晒係夠飽的😂
.
🍽️ 車打芝士牛肉漢堡（$128）🌝🌚🌚🌚🌚
舊肉好似好大塊，但係完！全！冇！味！配埋芝士生菜同埋包一齊食，更加係淡淡淡！最後我就咁食嚿肉都係覺得冇咩味😢借咗牛扒嘅黑椒汁都好少少。
但薯條粗幼度係我鍾意的，都炸得好鬆脆。
食後感 🌝🌝🌝🌝🌚
我覺得整體嚟講，環境同食物都很不錯，非常適合食飯傾偈！雖然漢堡好一般，不過沙律吧同其他食物都幾有誠意，性價比都高！
🪖頭盔：非專業食家，人稱垃圾脷，通常食唔出「高級食材」有咩分別，食評僅供參考，敬請留意(*˘⌓˘*)ゝ
張貼
